十粒卵

名人推薦：【台語人來贊聲】
Tsit本繪本《十粒卵》m̄-nā畫kah真suí，內容koh真用心，hōo囡仔ē-tàng透過無仝ê卵來學習動物、菜蔬、色水、文化節慶等等ê台語名詞，實在是「大碗koh滿墘」。
——邵大倫（廣播金鐘獎最佳流行音樂節目主持人）

《十粒卵》畫本內底，十粒飛--出-去ê卵隨變做十出芳kòng-kòng ê料理，hōo人一下看--著，喙瀾kiōng-beh津--落-來。
——林杏佳（台大雲林分院小兒科醫師）

【推薦ê話_1】
邵大倫（Tuā-lián）
廣播金鐘獎最佳流行音樂節目主持人
公視台語台《光榮島轉來》、《食老哺塗豆》節目主持人

Tsit幾年台灣受著『抖音』ê影響，lán ê少年家講華語竟然出現刁工ê「捲舌音」，hōo原本就面對危機ê台語koh-khah是「水鬼夯重枷」。好佳哉，uân-á有真濟堅持ê母語工作者，用各種方式創作並且提供囡仔ê需求。

Tsit本繪本《十粒卵》m̄-nā畫kah真suí，內容koh真用心，hōo囡仔ē-tàng透過無仝ê卵來學習動物、菜蔬、色水、文化節慶等等ê台語名詞，實在是「大碗koh滿墘」。話講倒tńg--來，每一个tng beh學習母語ê囡仔lóng是teh等待破殼ê卵，tsit本hōo囡仔讀ê《十粒卵》，mā好親像溫暖ê日頭，沓沓仔曝、耐心等待新世代ê台語人大漢，傳承lán台灣文化。

【推薦ê話_2】
林杏佳（Lîm Hīng-ka）
台大雲林分院小兒科醫師

卵（nn̄g），m̄-nā是卵生（luán-sing）動物生湠後代ê一个階段，mā是逐工出現tī lán飯桌頂，大人囡仔lóng kah意ê好食mi̍h。早頓食卵餅kauh番麥，中晝食卵包搵豆油，下晡茶食雞卵糕、雞卵卷kah卵仁酥，暗頓食皮蛋豆腐配卵湯，宵夜koh食茶葉卵。細漢囡仔喙齒iáu未生hōo tsiâu就tsiânn愛食tīm卵。無論是鹹--ê、甜--ê，做主角ia̍h是配料，lóng hōo lán ê生活添tsiok濟幸福ê滋味。《十粒卵》畫本內底，十粒飛--出-去ê卵隨變做十出芳kòng-kòng ê料理，hōo人一下看--著，喙瀾kiōng-beh津--落-來。

李江却台語文教基金會委託台語傳播出版ê畫本，台語suí-khuì、插圖活潑。逐本lóng hōo阮兜兩个囡仔聽kah耳仔phak-phak。Ǹg望逐家做伙自出世就開始kah囡仔用母語過生活，tsiânn做正港ê台灣人。

【推薦ê話_1】
邵大倫（Tuā-lián）
廣播金鐘獎最佳流行音樂節目主持人
公視台語台《光榮島轉來》、《食老哺塗豆》節目主持人

Tsit幾年台灣受著『抖音』ê影響，lán ê少年家講華語竟然出現刁工ê「捲舌音」，hōo原本就面對危機ê台語koh-khah是「水鬼夯重枷」。好佳哉，uân-á有真濟堅持ê母語工作者，用各種方式創作並且提供囡仔ê需求。

Tsit本繪本《十粒卵》m̄-nā畫kah真suí，內容koh真用心，hōo囡仔ē-tàng透過無仝ê卵來學習動物、菜蔬、色水、文化節慶等等ê台語名詞，實在是「大碗koh滿墘」。話講倒tńg--來，每一个tng beh學習母語ê囡...