Samlede Værker, Andet Bind

A BOWR herude o æ Hie

en hal Mils Vej te Øster,

der haar a Lov aa spild mi Tie

Mi Bøen ka lieg omkring æ Damm

og spytt saalaant, a lyster, 

og trimmel To med Kaaren;

mi Awteskuen ku gjør det samm,

skjønt hun er stywlelaaren.

Med Greef og Skovl hwer Dawsens Daa

en gaar og affensirer,

og a er gløj, og a er glaa,

hwor anner grovelirer;

for ha en Sind saa lærki-let,

en bette Kwind, en ynder,

og spis sæ mæt og slid sæ træt,

det passer wal for Bønder