前導
島嶼時光機，起行！
阿學是一个 tī 舊年拄讀國中 ê 查埔囡仔，伊 ê 國文成績自來攏毋是蓋好。Tī 一擺 ê 家族聚會了，𪜶爸母 kah 一个遠親葉老師就較有聯絡。彼位葉老師平常時 tī 補習班教國文，kā 學生改作文考卷。阿學 ê 爸母就 kah 伊講定，tuì 這个歇熱開始逐禮拜予阿學去葉老師𪜶兜一下晡，予葉老師 kā 複習國文。
其實這个葉老師猶有另外一个身分。伊是會曉寫小說兼寫文學評論 ê 作家，tī 文壇閣不止仔出名，𪜶兜規厝間攏收藏臺灣文學相關 ê冊。Tuì 彼時，阿學就常在複習課業了，留 tī 葉老師遐看冊。
Kah阿學同年ê 查某囡仔阿文，𪜶爸爸是葉老師國校仔ê 同學，t_ī葉老師𪜶兜隔壁開果子行。葉老師定定去阿文𪜶兜買果子，阿文ê _爸爸拄著仔mā會tshuā 伊去葉老師𪜶兜開講。阿文真愛讀冊，見若老爸tshuā伊去葉老師遐泡茶齧塗豆，阿文就tī 邊仔看冊。阿文感覺葉老師遐ê _冊攏是tī圖書館較看袂著ê，所致有閒ê時，伊就會家己去葉老師遐借冊來看。
拄好彼日伊欲來葉老師遐ê時，搪著阿學。
☞ 臺灣文學到底是啥物？
寢頭𪜶隨人讀無仝款ê 冊，一時仔了，阿文就先開喙問阿學：「你敢是mā 真愛看冊？」
「普普仔啦。是看著遮有遐濟kah 臺灣有關係ê 冊排做伙，有影驚著。」
「我頭擺來ê 時mā 驚著，阮爸爸講，葉老師是臺灣文學史ê 專家。」阿文講。
「我是捌聽伊講過。毋過我聽無蓋有，想講文學就是文學啊，哪著愛閣特別去抾遮ê 臺灣文學來研究？」
「按呢mā 算一款分類ê 方式啊。日本人寫ê 就是日本文學，英國人寫ê 就是英國文學，啊臺灣人寫ê 就是臺灣文學，這款文學ê 分類哪有啥物毋著？」
「毋過你看，」阿學對書櫥提出一本郁永河ê《裨海紀遊》，kah一本《西川滿小說集》，「這本是舊時中國人用文言文寫ê，若這本是日本人用日文寫ê，哪會毋講𪜶這是中國文學抑是日本文學leh ？」
「毋過……」阿文mā 開始有淡薄仔憢疑，總是就用直覺來kā 應：
「啊𪜶敢毋是lóng 寫臺灣？」
「若按呢講會通，臺灣人去到外國所寫ê 遊記，敢講毋是外國文學？」
阿文kah 阿學按呢討論規半晡，才雄雄智覺著這个看起來真簡單ê 名詞，檢采是無遐好理解。
所致𪜶決定欲做伙去kā 葉老師請教。
☞ 臺灣成做一个風窗，予咱探著文學 ê 精彩
葉老師就kā 𪜶解說講，咱若對臺灣史有淡薄仔認捌，就thang知影臺灣是tī 太平洋西南海邊ê 一座海島，自幾百冬前受著荷蘭、西班牙、明清、日本等國相接紲ê 殖民統治，到現今這个捌稱講家己代表中國ê 中華民國政權，mā 是施行威權統治，總算tī 過去幾十年ê 中間，經過濟濟人ê 拍拚，才沓沓成做民主國家。
因為是海島，臺灣tsîng 大航海時代就已經kah 世界各國有一寡來去kah 交流；閣也幾若濟擺成做別國ê 殖民地，逐時期有濟濟無仝背景ê 移民來到臺灣。有ê 人真緊就離開，有ê 人tī 遮落塗釘根，予臺灣成做一个有濟濟族群、語言kah 文化ê 所在。
「這就是咱欲認捌臺灣文學ê 原因。」阿文kah 阿學猶是無啥捎有摠，葉老師紲落解說：「逐部文學作品，lóng 親像一塊見本櫥，對內面咱thang 看著tī 某一个時間點，濟濟個人ê 思考kah 想法。」
臺灣文學史就若像一臺時光機，tshuā 咱轉去到無仝款時代，用濟濟無仝ê 眼光去感受無仝ê 觀點。透過這臺時光機，咱thang 知影往過有佗一寡無仝背景ê 人tī 這塊島嶼leh 徛起，彼當時ê 臺灣閣是生做啥物款？𪜶有經歷啥物代誌？人kah 人中間按怎做伙？有啥物感受？按呢咱就thang 進一步去想看眼時前ê 臺灣社會，敢是原仔有真濟族群、語言、性別、階級中間猶有濟濟差異，suah 予咱失覺察去？總講，這是一个thang 予咱ê 想像力閣較豐沛、予咱學會曉尊重別人ê 學問。
這寡咱kā 看做是臺灣文學ê 作品，有ê 是中國人寫ê，有ê 是日本人寫ê。所致，tī 日本統治臺灣ê 時代，日本人mā 捌認為臺灣ê 文學干焦是日本文學ê 一部分；準是到kah 現今，leh 講啥人thang 算是臺灣人、啥物作品thang 講是臺灣文學，猶是有真濟thang 討論ê空間。總是，咱會當確定ê 一項是，若tuì 臺灣ê 特殊歷史背景來去kā 看，遮ê 文學作品ê 精采才會得閣較顯目。
☞ 本書 ê 主題 kah 分期
「Kah 若按呢，敢是咱若捌臺灣史，就會得理解臺灣文學？」阿文提問。
「確實若有捌是上好，毋過臺灣文學史所關心ê 毋但是社會ê 歷史。」葉老師解說講，咱所關心ê 是tī 無仝時代內底，會出現啥物款ê 作家？𪜶用啥物語言去寫作？寫出啥款ê 形式kah 主題ê 文學作品？作品是kōo 啥物媒體來播送？作家tī 寫作以外，閣會按怎去結盟kah 競爭，紲閣按怎倒轉來影響著文學作品？ Tī 文壇以外，政治kah 社會閣會tuì 遮ê 作家hām 𪜶 ê 作品產生啥物影響？……
阿學聽kah 淡薄仔踅神去，就趕緊欲提出問題予小擋定一下：「Siunn 複雜矣啦！葉老師，你是專家，敢有啥物方法thang 予咱快速來了解臺灣文學史ê 大概hannh ？」
葉老師講：「抑無按呢，我來講作家ê 故事予恁聽。雖然逐个作家可能mā 活過幾若个時代，檢采猶是會當揀一个時間點，就𪜶 ê 故事來說明彼當時ê 文學現象。」
葉老師kā 當leh 寫作ê 稿紙反爿（píng-pîng），用筆畫一條長長ê 橫線，紲閣用直線來切出5 橛， tī 彼5 橛kā 寫這幾个時代：史前時期、明鄭清領、日治時期、戰後、1980 年代。
「這是我認為上簡略ê 臺灣文學ê 年代分期。確實是袂得thang顧kah 齊全，咱總是也著揣一个入口來講遮ê 故事。」
史前時代，是tī 猶無文字紀錄ê 時代。彼當陣檢采猶未有文學ê 概念，總是臺灣ê 原住民族已經有用口耳相傳、歌謠、儀式等方式，來傳佈現時看起來真有文學性ê 故事。
明鄭清領，是濟濟漢人移民來到臺灣ê 時代，mā 是臺灣開始出現書面文學ê 時期，tuì 遮咱欲來看傳統漢文學是按怎徙栽來到臺灣，紲生出臺灣本地ê 特色。
日治時期，這是新文學拄開始發展，毋過傳統漢文學猶閣真興ê時期。臺灣人kōo 傳統漢文學來聚集民族意識，拄好予mā tsiânn意愛傳統文化ê 日本人，thang 用這款文類來予臺灣人對𪜶親近；臺灣人積極去學新ê 思潮、寫出新文學來對抗日本殖民政權，總是也著倚靠日文kah 殖民地ê 教育，才thang 接收新智識。Tuì 遮，咱會當看著新舊ê 思潮按怎tī 殖民地臺灣相激出文學ê 火光！
戰後，臺灣歸tī 中華民國。冷戰時代，內戰失利、撤退到臺灣ê 政府喝欲反共復國，也閣tī 美援ê 背景中間，美國ê 現代主義思潮tī 臺灣時行起來。這2 款文藝思潮攏kah 臺灣原底ê 文化語境離tsiânn 遠，所致接紲就出現鼓吹愛關懷現實ê 鄉土文學，mā 成做1970 年代ê 文學意識kah 實踐主體。反共、現代、鄉土，這3 个看起來無關係ê 關鍵字，竟然同齊成做彼當時ê 文藝思潮。
1980 年代後，臺灣沓沓對威權行向民主化，過去受著壓迫ê 族群、語言、性別、階級、環境等議題，一項一項接紲浮頭，成做作家寫作ê主題，「臺灣文學」ê 概念mā 開始tī 文壇受著討論，伊ê 概念mā 沓沓予社會接受。閣來就是後現代kah 後殖民ê 思潮開始引入臺灣……
「Ēnn，毋過，」葉老師kā 伊ê 構想講了，雄雄一下頓蹬（tùntenn），「干焦聽故事袂使啦，恁著愛看較濟作品才會當。我先kā 恁推薦幾本仔冊……」。話講suah，就頭越過去欲提冊。
「Ēnn……阿學，我雄雄想欲啉涼ê 呢，你敢有欲做伙去？」小文問。
「遮拄好，我mā 淡薄仔喙焦……」阿學kā 應。
雖然𪜶緊緊揣藉口欲結束這改ê 討論，毋過後來閣見著面，葉老師猶是照彼个構想kā 𪜶講彼寡臺灣作家ê 故事，自按呢，島嶼時光機，起程！
| FindBook |
有 7 項符合
島嶼時光機：臺灣文學故事（臺灣台語版）的圖書 |
| 圖書選購 |
| 型式 | 價格 | 供應商 | 所屬目錄 | $ 273 |
 iRead灰熊愛讀書 |
政府出版品 |
$ 276 |
 TAAZE 讀冊生活 |
中文書 |
$ 277 |
 金石堂 |
文學史 |
$ 315 |
 博客來 |
12歲以上 |
$ 315 |
 誠品網路書店 |
經典文學 |
$ 315 |
 五南文化廣場網路書店 |
小說／文學 |
$ 648 |
 三民網路書店 |
文學作品 |
|---|
| 圖書館借閱 |
| 國家圖書館 | 全國圖書書目資訊網 | 國立公共資訊圖書館 | 電子書服務平台 | MetaCat 跨館整合查詢 |
| 臺北市立圖書館 | 新北市立圖書館 | 基隆市公共圖書館 | 桃園市立圖書館 | 新竹縣公共圖書館 |
| 苗栗縣立圖書館 | 臺中市立圖書館 | 彰化縣公共圖書館 | 南投縣文化局 | 雲林縣公共圖書館 |
| 嘉義縣圖書館 | 臺南市立圖書館 | 高雄市立圖書館 | 屏東縣公共圖書館 | 宜蘭縣公共圖書館 |
| 花蓮縣文化局 | 臺東縣文化處 |
|
|
圖書介紹 - 資料來源：TAAZE 讀冊生活 評分：
圖書名稱：島嶼時光機：臺灣文學故事（臺灣台語版）
葉老師是小說家，mā是文學評論家，伊收藏規厝間ê臺灣文學作品kah資料。阿文kah阿學有機緣佇葉老師𤧅兜熟似，佇隨人teh掀看藏書ê中間，兩人suah對啥物是「臺灣文學」起爭論。葉老師就決定kā𤧅講起臺灣作家ê故事，透過紹介濟濟佇文學舞臺頂ê人物，也沓沓kā臺灣文學ê簡史鋪排出來。葉老師講，臺灣文學史就親像1台時光機，予咱轉去kàu無仝時代，會得用每1个作家ê目睭去體驗無仝觀點ê世界……。
這是1本寫予臺灣少年人ê臺灣文學故事，適合12-16歲ê少年囡仔，想欲認捌臺灣文學ê讀者mā攏會當來讀。本冊邀請6位有臺灣文學專業抑是對文史轉譯有專長ê作者共同寫作，內頁ê插圖mā邀請逐个所知ê bàng-gà畫家蠢羊來創作，閣也kā部分ê文學作家ê故事以bàng-gà ê形式來呈現。讀者會當kā葉老師、阿文kah阿學這3位主角ê討論當做入門，透過這33个文學史故事、5大單元，來掌握臺灣文學kàu-tann所粒積ê豐沛成果。
作者簡介：
錢真
本名錢映真，南投竹山人，現居臺南，寫作亦學習南管。國立中央大學大氣物理研究所碩士，曾任高中地球科學教師。曾獲臺灣歷史小說獎、全球華文文學星雲獎歷史小說獎、打狗鳳邑文學獎、南投縣玉山文學獎、桃城文學獎、臺中文學獎。著作《羅漢門》、《緣故地》。
班與唐
1993年生，曾獲台積電文學賞等文學獎，著有歷史小說《食肉的土丘》、《安雅之地》。寫小說之餘，嗜好探勘有趣的臺灣歷史，經營FB、IG 以及YouTube頻道「熬夜的便當（BenDon）」。
徐淑賢
花蓮人，國立清華大學臺灣文學研究所博士。國立清華大學通識教育中心兼任助理教授、臺灣語言研究與教學研究所學分班講師。研究領域為日治時期臺灣古典文學、書畫商業活動。著有專書《臺灣士紳的三京書寫：以1930-1940年代《風月報》、《南方》、《詩報》為中心》。
蕭鈞毅
1988年生，國立清華大學臺灣文學研究所博士生。曾獲臺北文學獎小說首獎、林榮三文學獎小說首獎等文學獎若干。作品入選九歌出版《一○四小說選》，曾任電子書評刊物《秘密讀者》編輯同仁之一。
翁智琦
國立政治大學臺灣文學研究所博士。曾任巴黎社科院訪問學人、釜山國立大學中文系客座教授，現任教於國立臺北教育大學臺文所。
江昺崙
國立臺灣大學肄業、文字工作者。曾於溪州鄉公所、國立臺灣文學館服務。參與過撰寫《史明口述史》、《終戰那一天》、《文協一百點：臺灣真有力地景指南》、《永遠的農業人：李登輝與臺灣農業》等書。
蠢羊（羊寧欣）
臺灣藝術大學美術系畢業，現為職業漫畫家。致力於《棒球人生賽》、《動物國家》、《臺灣名人傳記漫畫》等各種創作。近期計畫嘗試一些不同的挑戰，比如當個油土伯。著有：《火人FEUERWEHR》、《菜比巴警鴿成長日記》、《棒球人生賽1～7（未完）》、《臺灣名人傳記漫畫：湯德章》、《臺灣名人傳記漫畫：巴克禮》、《流麻溝十五號（漫畫）》、《臺灣名人傳記漫畫（特別篇）：馬偕》。
呂美親
日本一橋大學言語社會科博士，臺灣師範大學臺灣語文學系副教授。主編《台語現代小說選》、共編《台語文運動訪談暨史料彙編》、《高中臺語》教科書、出版臺語詩集《落雨彼日》、編譯《漂泊的民族 王育德選集》等。
章節試閱
前導
島嶼時光機，起行！
阿學是一个 tī 舊年拄讀國中 ê 查埔囡仔，伊 ê 國文成績自來攏毋是蓋好。Tī 一擺 ê 家族聚會了，𪜶爸母 kah 一个遠親葉老師就較有聯絡。彼位葉老師平常時 tī 補習班教國文，kā 學生改作文考卷。阿學 ê 爸母就 kah 伊講定，tuì 這个歇熱開始逐禮拜予阿學去葉老師𪜶兜一下晡，予葉老師 kā 複習國文。
其實這个葉老師猶有另外一个身分。伊是會曉寫小說兼寫文學評論 ê 作家，tī 文壇閣不止仔出名，𪜶兜規厝間攏收藏臺灣文學相關 ê冊。Tuì 彼時，阿學就常在複習課業了，留 tī 葉老師遐看冊。
Kah阿學同年ê 查某囡仔阿文...
島嶼時光機，起行！
阿學是一个 tī 舊年拄讀國中 ê 查埔囡仔，伊 ê 國文成績自來攏毋是蓋好。Tī 一擺 ê 家族聚會了，𪜶爸母 kah 一个遠親葉老師就較有聯絡。彼位葉老師平常時 tī 補習班教國文，kā 學生改作文考卷。阿學 ê 爸母就 kah 伊講定，tuì 這个歇熱開始逐禮拜予阿學去葉老師𪜶兜一下晡，予葉老師 kā 複習國文。
其實這个葉老師猶有另外一个身分。伊是會曉寫小說兼寫文學評論 ê 作家，tī 文壇閣不止仔出名，𪜶兜規厝間攏收藏臺灣文學相關 ê冊。Tuì 彼時，阿學就常在複習課業了，留 tī 葉老師遐看冊。
Kah阿學同年ê 查某囡仔阿文...
顯示全部內容
目錄
14 前 導 島嶼時光機，起行！
20 第一章 Tuì 祖靈來 ê 聲音
原住民族 ê 口傳文學
22 遐 ê tuì「古早古早」開始講 ê 故事……
28 原住民族 ê 口傳神話
文學毋但孤文字這款載體
34 第二章 漢字初體驗
明清時期漢人書面文學 ê 徙栽 kah 釘根（約略 1662 − 1895）
36 17世紀 ê 臺灣大冒險：郁永河 ê 採硫旅途
40 沈光文 漂流來臺灣，成做頭一个漢人 ê 書面文學作家
文學小錦囊 清國時代初期 ê 遊宦文人
44 鄭用錫 臺灣本地進士 kah 園林文學 ê 開基
46 陳肇興 Tī 教學途中訪龍目井，寫出臺灣 ê 社會民情
48 丘逢甲 乙...
20 第一章 Tuì 祖靈來 ê 聲音
原住民族 ê 口傳文學
22 遐 ê tuì「古早古早」開始講 ê 故事……
28 原住民族 ê 口傳神話
文學毋但孤文字這款載體
34 第二章 漢字初體驗
明清時期漢人書面文學 ê 徙栽 kah 釘根（約略 1662 − 1895）
36 17世紀 ê 臺灣大冒險：郁永河 ê 採硫旅途
40 沈光文 漂流來臺灣，成做頭一个漢人 ê 書面文學作家
文學小錦囊 清國時代初期 ê 遊宦文人
44 鄭用錫 臺灣本地進士 kah 園林文學 ê 開基
46 陳肇興 Tī 教學途中訪龍目井，寫出臺灣 ê 社會民情
48 丘逢甲 乙...
顯示全部內容
|
