台語字音字形一點訣（修訂版)（第3版）

名人推薦：

1.推薦序（依姓氏筆劃排序）
丁鳳珍Teng Hongtin
國立台中教育大學台語系副教授


曉萍beh 出版《台語字音字形一點訣》chit 本冊，Hongtin chin 歡喜。
因為ài beh 替chit 本冊寫推薦序，ē-sái tāi-seng 拜讀內容，ná 讀心花ná
開。Chit 本《台語字音字形一點訣》chiaⁿ 實chiok 頂真chiâⁿ tah 心kài 利
便，tek-khak ē-tàng 幫chān ài beh 提升ka-kī 台語文書寫實力ê iú 志，
m̄ -nā 是參加台語字音字形比賽，tng leh 準備台語能力認證考試，ài beh
chiâⁿ 做súi-khùi ê 台語人，來讀chit 本冊lóng 大iú 利。
2020 年百花chiâu 開ê 春天，曉萍來讀gún 國立台中教育大學台灣
語文學系碩士班，修Hongtin 開ê「台灣本土語言文學史專題研究」，che
是gún nn̄g 人初相逢ê 時。因為曉萍本身ê 專長kap 興趣，自hit 時gún
邀請曉萍chiâⁿ 做國立台中教育大學人文學院高教深耕計畫「中等學校本
土語文（台語文）教材教法課程研發方案」ê 共學實踐社群委員，2022
年12 月五南替gún 出版《中學台語文教材教法》chit 本冊，曉萍mā 貢
獻〈中學台語教案「水資源佗位揣」〉chit 節，hō ͘ chit 本冊 thang 實踐
SDGs 聯合國永續發展目標ê 應用。曉萍願意選擇國立台中教育大學台灣
語文學系碩士班來提升ka-kī ê 才情，是gún ê 福氣。
曉萍是chi ̍t 位伶俐koh 有行動力ê 台灣青年，曉萍mā 是chi ̍t 位頭腦
清楚koh 心思敏捷ê 人，曉萍ê 藝術才情mā 是同窗師長o-ló--ê。未來ǹg
望曉萍ē-tàng 撥時間來創作台語文學，mā 祝福kut-la̍t 栽培ka-kī、piàⁿ-sì
提升自我台語文教學實力ê 曉萍，ē-tàng tiàm 中學台語教學kap 音樂藝術
教學ê 園地發揮專長、奉獻青春。


2.推薦序
王秀容
公視台語台全家有智慧臺語顧問
《我咧唱歌》、《咱來讀讀》臺語有聲散文集作者


伊大學讀音樂的，所以有音感佮音階的感情，
伊有資訊專長，所以有一粒電腦頭殼佮邏輯，
伊行入我的臺語教室，一改就通過教育部閩南語語言能力認證、
走去讀臺中教育大學臺文研究所，參與出版，朗讀稿嘛入選。
伊參加全國語文競賽字音字形，人拚幾若冬，伊一改就提著社會組的
特優。
伊已經變做臺語人。
伊毋但是認真拍拚愛台語的狀元學生，閣較是多元發展變竅的神奇
女子。
伊養成的過程佮自學的方式是正腦、倒腦做伙來的全腦學習，
有藝術的優雅佮自在，
有科學的系統佮精確，
有語文的整合佮活用，
伊願意全腦大公開寫冊分享伊著全國語文競賽特優的撇步，
是有大福氣、有心學臺語、有計畫教臺語、有決心拚全國賽、
一世人傳承臺語、愛臺語的有志上好的寶典。