臺灣台語認證我上強2：台語四格圖學習新課綱素養

科技運用類

主題：數位科技
AI當著時

A卷 30秒看圖講話參考答案
1、阿晴佇科學比賽得著冠軍，獎品是AI機器人，伊共號名做「阿樂」。
2、拜六，阿晴參加學校辦的生態活動，第一關是認捌植物，阿晴問阿樂：「這是啥物樹？」阿樂講：「這是相思樹。」，伊就順利過關。
3、第二關是看花的圖揣出花佇佗位。阿樂真緊就揣出黃梔仔花。最後一關，愛用台語紹介動物。阿晴就紹介長尾山娘，講甲真輾轉，任務順利完成。
4、活動了後，阿晴發現，AI科技毋但誠利便，閣會當予學習變甲誠趣味。

B卷 1分鐘看圖講話參考答案
1、阿晴佇科學比賽得著冠軍，獎品是一台AI 機器人，伊共號名做「阿樂」。
2、拜六，阿晴和同學參加學校辦的生態活動，第一關是認捌植物，阿晴隨問阿樂：「這是啥物樹？」阿樂講：「這是相思樹。」亻因的隊伍順利過關。
3、第二關是看花的圖，揣出花佇佗位。阿樂真緊就揣出黃梔仔花。最後一關，愛用台語紹介動物。阿晴決定紹介長尾山娘，伊講甲真輾轉，閣順利完成挑戰。
4、經過規工的活動，阿晴發現，AI 科技毋但利便，閣會當予學習變甲誠趣味。

情境演說題目：
AI 是這馬誠著時的話題，請你用AI 做主題，講看覓，佇學校捌參加AI 比賽的代誌。

情境演說 2分鐘參考答案
　　阿晴是一个國小的學生，有一擺佇學校辦的科學比賽得著冠軍，獎品是一台AI 機器人，伊就共號名做「阿樂」。阿樂是一个會學習、會講話的機器人，會當共阿晴鬥解決問題，甚至陪伊完成挑戰。
　　拜六，阿晴和同學做伙參加學校辦的生態活動。每一个小組攏愛完成三个挑戰，才會當過關。第一關是認捌植物，阿晴看著一欉生份的樹仔，隨問阿樂：「這是啥物樹？」阿樂講：「這是相思樹，樹皮會當防止土壤流失。」亻因順利通過挑戰。
　　第二關是看花的圖，揣出花佇佗位。阿樂真緊就揣出黃梔仔花。最後一關，愛用台語紹介森林內底的一種動物。阿晴小可緊張，阿樂用台語共鼓勵：「加油啦！你一定會講甲真好！」，阿晴尾仔決定紹介長尾山娘，伊講甲真輾轉，最後順利完成挑戰。
　　經過規工的活動，阿晴發現，AI 科技毋但利便，閣會當予學習變甲誠趣味。阿晴歡喜講：「阿樂真正是我上好的朋友！」對囡仔來講，AI 是未來的趨勢，嘛是生活的一部分。

情境演說 Q＆A參考
Q：你有用過AI 無？分享你的經驗。
A：我有用過AI 畫圖，只要共語法寫落去，閣共我想欲畫的主題寫清楚，AI 就會佇幾秒內底，畫出一幅閣一幅符合我要求的圖，實在誠厲害！
Q：你會想欲用AI 來做啥物代誌？講看覓。
A：我想欲用AI 來寫歌，因為我對音樂真有興趣，若是會當用AI 來寫歌，一定會當真緊就寫出歌曲，毋但省時間閣真有成就感。

科技運用類

主題：數位科技
AI當著時

A卷 30秒看圖講話參考答案
1、阿晴佇科學比賽得著冠軍，獎品是AI機器人，伊共號名做「阿樂」。
2、拜六，阿晴參加學校辦的生態活動，第一關是認捌植物，阿晴問阿樂：「這是啥物樹？」阿樂講：「這是相思樹。」，伊就順利過關。
3、第二關是看花的圖揣出花佇佗位。阿樂真緊就揣出黃梔仔花。最後一關，愛用台語紹介動物。阿晴就紹介長尾山娘，講甲真輾轉，任務順利完成。
4、活動了後，阿晴發現，AI科技毋但誠利便，閣會當予學習變甲誠趣味。

B卷 1分鐘看圖講話參考答案
1、阿晴佇科學比賽得著冠軍，...

做伙講台語，綴世界的跤步向前行

　　這本冊的發念，源自一个單純，毋過煞一直囥佇心內的想法──向望囡仔會當自在、自然、無驚惶講出台語，閣用台語理解這个世界。嘛希望學習台語是對一套有系統、會當培養思考、表達佮價值判斷的學習素材開始拍基礎。

　　全冊對新課綱的學習內容出發，依照主題分類，包括自我理解、日常生活、社區生活、環境教育、科技運用、藝術人文、人際溝通、在地特色到國際認捌等等的面向。這个安排，毋是干焦是為著語言學習，閣較希望囡仔佇「講台語」的過程，嘛學會曉理解家己、尊重別人、關心社會，而且培養面對世界的基本素養。語言，毋但干焦是聲音的組合，是一種看世界的方式。

　　攏總三十回的故事，每一回攏對生活情境出發，結合看圖講話、情境演說、文章朗讀、閱讀測驗和語句書寫等等活動設計，一步一步，引 學生對「敢講」到「會曉講」，閣到「講甲有內容」。教材內底特別重視口語表達，因為對囡仔來講，語言首先是「講出來的」。透過聆聽、模仿、思考和表達，台語已經毋是死背的文本，是一種活跳跳、用會著的能力。

　　內容主題的選擇，嘛貼近當代臺灣社會的真實情境。無論是情緒管理、性別尊重、生涯想像、公共禮儀、環境保護，抑是奧運選手、AI 科技、優先座新聞等等議題，攏是囡仔日常生活內底有可能接觸、嘛需要思考的課題。透過台語來討論遮的議題，毋但是學語言，閣較是咧練習用台語思考價值、表達立場，建立自信。

　　本冊佇語詞選用和表達方式，參考教育部《臺灣台語常用詞辭典》，兼顧教學現場的實用性。文字風格自然、口語化，避免過度書面抑是傷困難，予學生「看有、講會順」，老師「安心仔教」。同時，嘛保留台語本身的趣味和節奏，予學習過程充滿親切感。

　　對老師來講，這本冊希望成做一套「會當直接提入去教室」使用的教材，免閣開足濟時間重新設計；對學生來講，向望伊是一扇門，予台語毋但是認證考試的科目，閣是一種會當用來講故事、表達感受、分享理想的語言。若囡仔會當因為這本冊，開始較敢開喙講台語，甚至佇生活內底主動使用台語來溝通，那按呢是這本冊上大的價值。

　　語言的傳承，無法度干焦靠情感呼籲，閣需要實際、會當做、貼近生活的教材支持。向望這本冊，成做囡仔學習台語路途的一位好朋友，嘛成做老師教學現場，一份溫柔佮堅定的力量。

做伙講台語，綴世界的跤步向前行

　　這本冊的發念，源自一个單純，毋過煞一直囥佇心內的想法──向望囡仔會當自在、自然、無驚惶講出台語，閣用台語理解這个世界。嘛希望學習台語是對一套有系統、會當培養思考、表達佮價值判斷的學習素材開始拍基礎。

　　全冊對新課綱的學習內容出發，依照主題分類，包括自我理解、日常生活、社區生活、環境教育、科技運用、藝術人文、人際溝通、在地特色到國際認捌等等的面向。這个安排，毋是干焦是為著語言學習，閣較希望囡仔佇「講台語」的過程，嘛學會曉理解家己、尊重別人、關心社會，而且培養面對世...

推薦序１　講咱的語言，想咱的未來：一本為現代生活起造的台語活教材
推薦序２　練台語，才綴會著時代
序　　言　做伙講台語，綴世界的跤步向前行

◎自我理解類
　愛受氣的阿新
　金牌bo̍k-sìn-gù（拳擊）
　一人一个性
　行行出狀元

◎日常生活類
　佇厝鬥摒掃
　安全愛注意
　優先席新聞
　金牌羽毛球
　俗語誠趣味
　野柳好𨑨迌
　網路起風波

◎社區生活類
　神明生
　頭擺投票的體驗
　做伙講台語　

◎環境教育類
　鬥陣來淨灘
　石虎的危機
　海龜新樂園
　寒流有夠寒
　南方四島：海洋奇觀的冒險

◎科技運用類
　AI當著時

◎藝術人文類
　廟口看歌仔戲
　布袋戲誠趣味

◎人際溝通類
　火燒島的記持

◎在地特色類
　阿勇的蓮霧園
　阿珍的農業夢
　守護大海
　中秋的幸福

◎國際認捌類
　無國界醫師
　拯救地球行動
　節能減碳

推薦序１　講咱的語言，想咱的未來：一本為現代生活起造的台語活教材
推薦序２　練台語，才綴會著時代
序　　言　做伙講台語，綴世界的跤步向前行

◎自我理解類
　愛受氣的阿新
　金牌bo̍k-sìn-gù（拳擊）
　一人一个性
　行行出狀元

◎日常生活類
　佇厝鬥摒掃
　安全愛注意
　優先席新聞
　金牌羽毛球
　俗語誠趣味
　野柳好𨑨迌
　網路起風波

◎社區生活類
　神明生
　頭擺投票的體驗
　做伙講台語　

◎環境教育類
　鬥陣來淨灘
　石虎的危機
　海龜新樂園
　寒流有夠寒
　南方四島：海洋奇觀的冒險

◎科技運用類
　AI當著時

◎藝術...