台語詩集-我 ê 跤印

【推薦序】

小女子的生命經歷――序嘉徽詩集《我 ê 跤印》
何信翰（臺中教育大學台灣語文學系副教授）

嘉徽是一位 chin 有才情的查某囡仔，鋼琴、手工藝、文學，逐項 lóng chiau會。伊也真拼勢 – 雖然身體無蓋好，總是上課、出冊、畫圖、寫作…身軀邊總是有真濟工課leh 仝時進行。
因為身體的艱苦病疼，嘉徽對文學特別投入，伊講「文字若像有一ê力量/ 伊chhōa 我來另外 chit̍-ê 世界/ Tī hit-ê 世界我會當好好仔 tháu-pàng 我家己/ 身苦病疼暫時無--去」（〈文字的力量〉）。嘉徽對文學的意愛，對伊發表的量看會出來。伊的作品，bat 刊佇《台文通訊 bóng 報》、《台文戰線》、《民報》、《教會公報》等等的文學刊物，也 bat 入選「 2022 戀戀曾文溪台語徵稿」的選文（伊開始寫詩到今也無幾年的時間!!）。會當講是一位多產的詩人。
嘉徽是一位平凡 koh 特別的查某囡仔。Tī chit 本詩集內面，嘉徽分享伊的心情和發心beh 做台語的心情；求學的過程和對時事的看法…會當講詩集內面，有伊這幾年的心路歷程。
嘉徽和你我仝款，是一般人，所以伊的心情、伊的詩，讀者真簡單就會當 tī內面對映著家己的經歷，親像這首詩：「我用鉸刀剪 tiāu 過去 ê pháiⁿ-mih̍ -á/ 我用鉸刀剪 tiāu 思戀 ê 滋味/ 我用鉸刀剪 tiāu 內心 ê 空喙/ 想欲放 bōe 記得/ 毋過 ̄M-koh 就是剪 bōe tiāu 心疼 ê 感覺//」。有過類似經驗的朋友，應該 lóng會當體會hit 款心情。
Tī 這本詩集內面，收錄 beh 70 首無仝年份創作的詩作。相信若是讀者沓沓ah 讀，一定會當讀出一款特別的滋味。也期待嘉徽繼續創作，寫出 koh khah 濟精彩的作品。

Tâi-gí bûn chheng-chhun ê hoe-lúi！Tân, Kim Hoa

2016 nî Ka-hui lâi siōng TLH tī Ko-su-tāi ê Gí bûn kàu-ha̍k tiong-sim só͘ khui--ê Tâi-gí lô-má-jī ki-chhó͘ tha̍k-siá khò-têng se̍k-sāi kàu-taⁿ, 2022 nî 2--goe̍h ah. Chiok chia̍p siu-tio̍h Kahui ka-kī chò lâi sàng--góa ê Tâi-gí jī chiok-hok khah-phìⁿ, koh put-kóan sî kap góa hun-hióng I ê hoaⁿ-hí iah-sī siong-pi. Che kúi tang lâi, khòaⁿ Kahui chi ̍t-pō͘ chi ̍t kha-ìn chiàu khí-kang kiâⁿ, mā kiâⁿ-chhut I ka-kī Tâi-gí lō͘ ê chi ̍t phiàn thiⁿ. Si ̍t-chāi chiok hoaⁿ-hí.
Siūⁿ khí goán hō͘-siong pôe-phōaⁿ ê ji ̍t-chí；Ū chin-chē lāu-su tàu-saⁿ-kāng, kā I siá ê bûn-chiuⁿ 1 phiⁿ koh 1phiⁿ siu-kái, kap I kau-thong, kā I kó͘-lē. Goán kiōng-tông hû-chhî ê lí-liām；Tin-sioh hán ū siàu-liân lâng ē-hiáu siá Tâi-gí, chhiáⁿ I tio̍h-ài chhōa-thâu, chiâⁿ-chò siàu-liân pòe Tâi-gí lāu-su, lâi phah phòa Tâi-gí sī lāu lâng ê tāi-chì ê koan-liām. Sui-jiân Ka-hui khó Tâi-gí jīn-chèng ê lō͘ pēng bô sūn-lī, beh khó kah C1 mā khó 2-3nî chiah kòe. Chóng--sī, I bô lúi-chi, kè-siok jīn-chin.
M-nā khó kòe Choân-bîn tâi-gí jīn-chèng C1, mā thong-kòe pe̍h-ōe-jī kiám-tēng C kip. Koh khéng ta̍uh-ta̍uh-á ha̍k-sip, chiah piàn chò ū chún-chún ê Tâi bûn lâng.Che kî-kan I jīn-chin siá-chok, tâu-kó, koh ka-kī chioh Chia̍t-ūn ê Bi-lē-tó chām hia ê Ki-ki sió-chām chèng-sek pān Tâi-gí bûn ê hoat-piáu-hōe. Kám-siā chin-chē Tâi-gí chiân-pòe, iú-chì, lóng lâi chham-ka, kā kó͘-lē. Koh ū Tâi bûn chiân-pòe ê thiàⁿ-sioh, hō͘ I chham-ka Tai-bûn pit-hōe, kè-siok chhòng-chok.
Ka-hui chin-khéng ha̍k-sip, m̄-nā siá sòaⁿ-bûn, mā siá si hām siáu-soat. I kiâⁿ ka-kī--ê kè-ōe-sèng kha-pō͘. Kā só͘ siá ê bûn-chiuⁿ chún-pī beh lâi chhut-pán ah. Góa chìn hoaⁿ-hí! I kóng；Lāu-su, góa sui-jiân in-ūi sin-thé bē chò-chú, tio̍h-ài kā Tâi-gí ha̍k-hun pan ê khò thêng-tiāu, m̄-koh góa ē kian-chhî siá-chok kap jīn-chin chò Tâi-gí lāu-su. Góa ē chhut-pán….Chit-má I oân-sêng ah! Góa ê sim-koaⁿ thâu sió-lo sió-lo, chhiūⁿ pha̍k-tio̍h chhun-thiⁿ ê ji ̍t-thâu. Lán tī TLH khò-têng só͘ iā--ê Tâi-gí bûn-jī hòa ê chéng-chí , tī Kahui ê sin--siōng puh-chhut Tâi bûn iù-iⁿ, koh khui-ki hoa̍t-hioh ah.
Kiong-hí Kahui！kám-siā só͘-ū pôe-phōⁿ --iê lāu-su , mā chiok-hok Kahui sin-thé kiān-khong, kè-siok lâi chèng-choh tâi-gí chit tè chhân-hn̂g, hō͘ Tâi-gí bûn chhut-thâu-thiⁿ.


Chheng-chhun ê Koa-siaⁿ 青春 ê 歌聲
Teng Hongtin 丁鳳珍

Chheng-chhun ê koa-siaⁿ kun-to ê Ka-hui ê kha-jiah-a u, su n-chin ê sim-chia ⁿ phiau-sa n tī Ka-hui ê si-chī̍p-lāi. Chê sī Hongtin tha̍k chī̍t pu n si-chī̍p lia u-āu ê hoat-kiàn.
Goa n-ī ka ka-kī ê chin-sim chin-ī tia n-hia n tī sê -kan-la ng ê ba̍k-chiu-chê ng, iau-chhia ⁿ tho̍ k-chia cho ê-ho ê kia ⁿ n g si-jī n ê hoê-hn g. Chê kī -sī̍t m -sī hiah-nī ka n-tan ê ta i-chī . Jī n-sêng ê thê -ho ê na la i na cho ê lia u-a u, Hongtin siu ⁿ bêh po -siu ka-kī chī̍t ê la ng ê chhiu -nâ, bô siūⁿ bêh kā in tián-hiān tī sè-kan-lâng ê bīn-thâu-chêng, ū chin chōê sim-chiâⁿ, Hongtin bô goān-ì chham sè-kan-lâng hun-hióng.
In-u i a n-ni, Ka-hui khong-kha i ta i-hong iau-chhia ⁿ ta̍k-kê kia ⁿ-jī̍p i ê hoê-hn g, sê ng-sim sê ng-ī tho ê iu -chī chai lo̍ h chin su i ê hoê-liu, hoaⁿ-hī ka chhêng-phang ê hoê-lu i sa ng ho u ia n ê tho̍ k-chia . Ka-hui ê jia̍t-chê ng kap phah-pia ⁿ ho la n khim-phòe.
Chit pu n si-chī̍p in-u i a n-ni, chia ⁿ-cho la n su i-sī ê -ta ng kia ⁿ jī̍p-la i hioh-khu n, kia ⁿ jī̍p-la i sa n-po ê so -cha i. Tī chit ê su n-chin ê hoê-hn g, la n ê -tàng thiaⁿ-kìⁿ thiⁿ-sài ê chhiò-siaⁿ, ho la n sim-hoe khui.


【自序】
這幾冬來我 chin phah-piàⁿ 創作，寫台語詩，mā 寫台語散文 kap 小說。我連做夢 lóng m̄ -káⁿ 想，我 ē-tàng 有出chit 本台語詩集 ê 勇氣。
我將來 m̄ -bat 設想我是 chi ̍t ê 女詩人，m̄ -koh Chú lóng hō͘ 我滿滿 ê 靈感來寫 chē-chē ê 台語詩，kā seng-oa̍h 中感受 tio̍h--ê，chiap-chhiok tio̍h--ê，lóng 透過筆 kap 紙寫做 chi ̍t 首 koh chi ̍t 首溫暖 ê 詩作， 我m̄ -sī 啥物大作家，只是chi ̍t ê ài 寫作ê cha-bó͘ 囡仔，我透過詩作kap ta̍k-ê 交陪 kap 交流。向望我 ê 讀者 ē-tàng ùi 我 ê 作品感受 tio̍h溫暖 ê 力量，che tō 是我 beh 送 hō͘ ta̍k-ê ê 禮物。 Chiok 感謝我 ê 台語老師，Kim-hoa 老師閣有兩位教授，鳳珍教授 kap 信翰教授 kā我寫推薦序，ē-tàng 增加這本冊ê 光彩。Chit 本是我 ê 第一本詩集，thâu-pái 出詩集，nā是有寫無好 ê 所在請 ta̍k-ê 諒解，mā 歡迎 ta̍k-ê 指教，多謝 ta̍k-ê!!

【作者紹介】
本名高嘉徽，2016 年 6 月透過朋友紹介開始學習台語文羅馬字，實踐大學觀光管理學系畢業。
我是 tī 高雄出世 ê 囡仔，90 年後 ê 台語女作家，嘛是台文筆會 ê 會員之一，目前佮意台語教學 kap 台文寫作，siōng 大 ê 興趣是 tôaⁿ 鋼琴。Tī 2022 年 12 月出版《台語認證中高級 kap 寫作講義》。

教學經歷：
．中山國小台語支援老師（2018-2022）
．七賢國中社團指導老師
．中山國小台語朗讀比賽指導老師與評審老師
．線頂台語中高級認證 kap 台文寫作講師（2021~這馬）


文章、著作：
．台文通訊 bóng 報、台文戰線、民報、教會公報社發表文章
．入選 2022 戀戀曾文溪台語徵稿選文
．2022/2/25 出版台語中高級 kap 寫作電子講義
．2022/12/08 出版台語中高級 kap 寫作講義實體冊

專業證照：
成大語文中心台語認證高級（C1）
成大語文中心台語白話字檢定高級（C1）
高雄市和屏東縣教育局台語教學支援人員

Ka-hui ê Youtube（台文老師 高嘉徽）：
https://www.youtube.com/channel/UCzmG7Hz8xs6eX6ETQn_QvCQ

Ka-hui ê blog（Ka-hui ê 葡萄園）：
https://kahuiephutohng.blogspot.com/

【目錄】

1. 推薦序
2. 作者紹介
3. 自序
4. 史明前輩請你ûn-ûn-á行
5. 武漢疫情
6. 聖女
7. Se̍ h 台南後火車頭
8. 成功大學
9. 母語 ê 舞台
10. 金星
11. 悲愛
12. 鉸刀
13. 講母語
14. 秋風
15. 秋風(2)
16. 勇敢 kiâⁿ-chhut 家己 ê ch ̍ıt 條路
17. 我 ê 枕頭
18. 時間 ê 魔法
19. 烏雲
20. 文字 ê 力量
21. 雨
22. 我 ê 筆
23. 雨聲
24. 鋼琴
25. 日頭
26. 白雲
27. 我 kah 主耶穌 ê 對話
28. 學母語
29. 日頭後 ê 月光

<神ê任務>
30. 上 suí ê 海岸聲
31. 天使 ê 淚痕
32. 有神 ê 日子
33. 神 ê 任務
34. 滿滿 ê 祝福
35. 文學創作
36. 文學家
37. 熏吹ê日子

<意象詩>
38. 天使 ê 話
39. 死亡 ê 喝聲
40. 我是鳥仔
41. 目屎 ê 前奏
42. 日頭 ê 目屎
43. 烏雲 ê 目屎
44. 風聲
45. 紀念 228 菁英--講 bōe chhut-chhùi ê 傷疼
46. 生活
47. 心內話
48. 樹葉仔
49. 無情ê大水
50. 記持
51. 天頂 ê 花蕊
52. Hō͘ 家己ê批
53. 艱苦 ê 心
54. 天使 ê 珠淚
55. 環遊四海
56. 白雲 kap 風
57. Sih-nah 閃爍
58. 幸福
59. 下晡
60. 世界
61. 庄跤ê氣味
62. 自由 ê 路
63. 秋意
64. 無閒
65. 相愛
66. Cha-bó͘-lâng
67. 音樂 kap 料理
68. 青雲
69. 心 ê 感冒
70. 光焱焱 ê 暗暝
71. 烏 khâm-khâm ê 世界
72. 附錄(畫作)