天生自然

詩人ê耳空，聽著山海溪河ê飽滇歌聲；詩人ê鼻空，鼻著樹木草花ê青翠幼芳；詩人ê目神，眼著鳥隻蟲豸ê安靜佮振動；詩人ê心靈，佇大自然ê攬抱之中，化做眾生萬物，對天地孵出詩句，是直透入心ê話語，也是回歸自然ê性命路程。

經歷年歲，行過歲月，陳胤將伊對台灣風土生態ê萬千感悟，化做一部意重情深ê自然歌詩。經由實地行踏佮遠近觀看，伊用母語ê眼界，將眼前景物ê即時心想佮心情鋪排成句、提煉成詩，成做性命ê哲學。Tī曠闊ê世界當中，呼出屬於咱母語ê聲音，引𤆬人重新親近自然，走揣人生ê勇氣佮意義，認捌台灣原生物種ê面貌佮原神。

◎本作品榮獲國藝會出版補助