獨立宣言 To̍k-li̍p suan-giân（台文版）

獨立宣言 To̍k-li̍p suan-giân
瑪斯．傑佛遜 Thomas Jefferson 等／著，倪振豪／譯
咱人類發展的過程，若是一个民族想欲使用自然的法則佮上帝予𪜶的權力，切斷佮另外一个民族的政治關係，而且透過這種方法得著獨立、平等的地位，從此通佇國際社會和各國平徛起，若按呢這个民族就需要向逐家解說想欲獨立的因端，按呢才會當表示𪜶對社會意見的尊重。

人自出世就是平等的，造物主賜予咱的權利，是啥物人攏提袂走的，其中，有生存權、自由權、追求幸福的權利。遮的代誌，阮相信是不證自明的。為著保障遮的權利，人民就做伙來建立政府，毋過政府的正當權力，需要經過伊治理的人民同意才有準算。若是政府無法度共遮的代誌做甲到，人民就有權利去改變或者是共這个政府廢除、而且建立新的政府，若起造新政府，人民著愛確定這个政府的基本原則佮權力會當保障人民自身的安全佮幸福。

人民確實是無應該因為一寡小代誌或者是一時的問題，就凊彩想欲改變或者是廢除存在久長的政府；事實上，若是咱看以早的人是按怎咧處理遮的問題，會發覺一件代誌：若是𪜶感覺今的政府佮問題猶閣會當吞忍，若按呢就袂做出任何的改變。

毋過若是政府一再濫用權力，而且真明顯就是想欲使用絕對的暴政來控制人民，若按呢人民就有權利佮責任共這个政府捒落台，嘛為著咱家己未來的安全建立新的保障。阮遮的殖民地從到今攏咧忍受遮的不公不義。就是因為按呢，阮這馬上要緊的代誌，就是改變政府的舊體制。若咱來看大不列顛國王，就會知影伊為著欲佇阮遮的殖民地建立徹底的暴政，毋但相連紲共阮傷害、而且閣使用無正當的方法來得著權力。人咧講「物會使濫糝食，話袂使濫糝講」，咱這馬就來看覓事實到底是按怎。

獨立宣言 To̍k-li̍p suan-giân
瑪斯．傑佛遜 Thomas Jefferson 等／著，倪振豪／譯
咱人類發展的過程，若是一个民族想欲使用自然的法則佮上帝予𪜶的權力，切斷佮另外一个民族的政治關係，而且透過這種方法得著獨立、平等的地位，從此通佇國際社會和各國平徛起，若按呢這个民族就需要向逐家解說想欲獨立的因端，按呢才會當表示𪜶對社會意見的尊重。

人自出世就是平等的，造物主賜予咱的權利，是啥物人攏提袂走的，其中，有生存權、自由權、追求幸福的權利。遮的代誌，阮相信是不證自明的。為著保障遮的權利，人民就做伙來建立政府，毋過政府的...