豐田歲時記

阿公阿婆摎佢兜个子孫
𠊎出世該下阿公斯過身咧，對阿公个印象，完全來自阿姆摎滿叔屋下叔伯阿哥佢兜摎𠊎講个事情。
𠊎公安到彭阿相，新竹湖口人。天下無二彭，在臺灣姓彭个大體係客人，若講毋係盡可能係毋曉講客話定定，骨內還係客人底，這種毋曉講客个客人，斯係民族學所謂个「學老客」，這下乜正名安到「客底」。
彭姓係祝融八姓之一，文獻肚寫講係祝融、蚩尤个後代。祝融，名仔安到黎，係帝嚳个火官，掌管民事，後人敬重佢做火神，因為功勞當大，光輝做得照亮天下，帝嚳摎佢安名祝融。祝融後裔分做八姓：己、董、彭、禿、妘、曹、斟、芈這兜大姓，安到祝融八姓。歷史項一等有名个敢怕係彭祖，傳說佢食到八百零歲；乜有人講這個彭祖斯係《論語．述而》：「述而不作，信而好古，竊比於我老彭」寫个該個「老彭」。還記得有一擺𠊎在政治大學教書个歷史系去中國大陸做古都考察，其中一站係黃陵，系項同事全去行香祭拜，獨獨𠊎無去拜黃帝，因為黃帝係𠊎祖先蚩尤个仇敵，子孫仰般不孝乜做毋得去拜阿公婆个冤仇人哦！雖然在國族建構个時代（大約一八九○年到一九四五年），各種中國歷史教科書全寫黃帝係中華民族共同个祖先，毋過𠊎知黃帝在血統項摎𠊎實在無麼个相干，隨在該兜國族血緣論个人講到幾好聽、幾有理，黃帝就係摎𠊎無相干，若愛講有相干乜做得，該斯係𠊎祖先个死對頭。
新竹个客人當多，「彭」乜算係大姓，阿公當年在湖口做教書先生，斯係日本時代在漢學書院肚教漢文，差毋多就係童蒙教師个身分，教《三字經》、《百家姓》、《千字文》、《千家詩》這兜，所謂「三百千千」。滿叔屋下體大个叔伯阿哥講佢在眠床下，識看著阿公讀个書。
𠊎做細人仔个時節，滿叔屋下肚个叔伯阿哥長透講𠊎生著當像阿公，身胚高大、面四方，看起來斯像讀書人。逐擺叔伯阿哥恁樣講个時節，𠊎就摎佢兜變面，做麼个會恁樣形，𠊎乜講毋出來。一直到當多年以後，𠊎正想起來，𠊎係因為阿公無分阿爸去學校讀書這件事情試著當閼、火著。漢學先生个倈仔毋識字，係幾大个笑科？毋知會分人誚㸐幾多擺？阿爸个五個兄弟中，斯𠊎爸毋識字，這一點實在盡難得著𠊎个諒解。照阿姆摎𠊎講个，當年阿公因為食鴉片菸，摎家產做盡了淨淨，所以無分阿爸讀書。乜因為恁樣，𠊎對日本時代个四大家族得著鴉片專賣權，正經閼到齧牙𫠛齒。係講毋係恁樣，阿公乜毋會因為食鴉片菸造成屋下破產，嗄來無法度送阿爸入學。
講起家族个歷史，𠊎長下感覺阿公、阿婆摎佢兜个兒孫，實在係一部典型个臺灣家族史，甚至係一部臺灣歷史个縮影。阿公二討、阿婆二嫁；阿婆劉桂妹嫁分阿公个時節，就降有三個前人子，斯係大伯、二伯同大姑。
阿婆个前夫姓莊，降兩個倈仔，大伯莊金生、二伯張仁添。無定有人會試著奇怪，做麼个大伯摎二伯無共姓。該係因為阿婆个前夫家境窮苦，摎二伯送分人畜，所以跈養父姓張。阿婆嫁到彭屋以前，阿公摎頭一個餔娘無降子，斯揇個倈仔來承受香火，名仔安到彭鳳枝，在排行上算係𠊎个二伯。所以這其中个關係斯當微妙咧，有血緣（斯共個阿婆）个二伯姓張，無血緣个二伯顛倒姓彭。後來𠊎爸出世咧，照家族排行座第三大，大伯摎兩個二伯屋下个叔伯兄弟姊妹喊𠊎爸三叔，四叔摎滿叔屋下个叔伯兄弟姊妹喊𠊎爸三伯。四門六親對自家有兩個二伯抑係（二叔）个這件事情，大家像形乜無相干，乜毋係喊佢兜二伯，斯直接喊講仁添伯、鳳枝伯。
四叔彭訓添、滿叔彭富廷一個續等一個出世，在排行上斯無麼个問題，叔伯兄弟姊妹喊四叔阿添叔抑係（阿添伯）；滿叔因為係吊尾錘，自然斯係喊佢滿叔。

阿公阿婆摎佢兜个子孫
𠊎出世該下阿公斯過身咧，對阿公个印象，完全來自阿姆摎滿叔屋下叔伯阿哥佢兜摎𠊎講个事情。
𠊎公安到彭阿相，新竹湖口人。天下無二彭，在臺灣姓彭个大體係客人，若講毋係盡可能係毋曉講客話定定，骨內還係客人底，這種毋曉講客个客人，斯係民族學所謂个「學老客」，這下乜正名安到「客底」。
彭姓係祝融八姓之一，文獻肚寫講係祝融、蚩尤个後代。祝融，名仔安到黎，係帝嚳个火官，掌管民事，後人敬重佢做火神，因為功勞當大，光輝做得照亮天下，帝嚳摎佢安名祝融。祝融後裔分做八姓：己、董、彭、禿、妘、曹、斟、芈這兜大姓...

【主委序】
寫出自家个聲，點亮時代个光客家委員會｜主任委員 古秀妃
在臺灣文學的長河裡，客家的身影未曾缺席。
回望歷史，自日治時期至戰後，吳濁流、龍瑛宗、鍾肇政、杜潘芳格、鍾理和、李喬及詹冰等前輩作家，在彼個時代，受限於政治與教育體制，只能以日語或華語借筆書寫，那些未能以母語直抒的心聲，終究成為臺灣文學長河中，輝煌與缺憾並存的章節。
一九八八年的「還我母語運動」喚醒了族群意識，乃至二○○一年成立全球唯一中央級客家事務主管機關行政院客家委員會，三十年後的今日，歷經《客家基本法》修法及《國家語言發展法》的訂定，確立客語為國家語言的地位，客語和客家文化雖不再隱身，卻也與其他本土語言一樣，面臨著傳承的危機。
除了爭取制度保障地位，也寄盼透過文學賦予生命，語言生命力的展現，不僅於「平日能說」，更能成為直接用以描繪當代，書寫未來的使用語言。基於這份信念，客家委員會於楊長鎮前主委任內，攜手鏡文學啟動「客語文學作家創作計畫」，這是一場跨越世代的接力，更是一場屬於客語文學的文藝復興。
本次計畫跨越世代，匯聚七位當代優秀客籍作家：甘耀明、高翊峰、李旺台、張郅忻、吳鳴、張芳慈與羅思容，皆是臺灣文壇的一時之選。同時，本計畫除了組成專業出版編輯團隊，也特別邀請詩人利玉芳擔任主持人，並在陳萬益、彭瑞金、范文芳三位資深學者及具有客語或出版專業的外部客語編輯共同努力下，讓文學的轉譯工程更為精確厚實。感謝這群創作者與專家願意展開長達一年多的挑戰，在創作與詮釋當中，透過來回的溝通，讓文字更精確的呈現，一字一句地「刻」出作品。這份願意歸零重來的勇氣，令人感動。
翻開這七部作品，我們看見了客語書寫的遼闊邊界：甘耀明《我的鴉鵲公主》（海陸腔）中在失語年代探尋愛的聾人少女、高翊峰《跳童》（四縣腔）裡駭入未來的賽博龐克科幻寓言、李旺台《𠊎屋下个番檨樹》（南四縣腔）那兼具童年記憶書寫與社會觀察的銳利筆觸、張郅忻《覓蜆仔》（海陸腔）裡對自我與族群的溫柔拼湊、吳鳴《豐田歲時記》（海陸腔）中移民村的農耕歲月與家族流轉；以及張芳慈《爧》（大埔腔）以神話與生態哲思對人間的關懷、羅思容《月光歸路》（四縣腔）那充滿音樂性與靈性之光的歸鄉路徑。這些作品證明了，客語雖古老卻也當代，並承載厚實生活哲學的底蘊，足以打開書寫的各式可能。
為了讓這場文藝復興能跨越族群，編輯團隊費心製作了客語字註釋，並由「鏡好聽」錄製有聲書，透過文字與聲音的結合，讓「閱讀」不再有門檻，無論是否熟悉客語，讀者都能行入故事，感受客語獨有的音韻之美。
承蒙七位作家的耕耘，以及所有投入本計畫的團隊，為臺灣文學種下了新的種子。誠如計畫啟動時所許下的宏願，我們要讓客語也能成為「思想與創作的語言」，期待這七部作品能成為後生人閱讀的起點，更盼望能鼓舞更多創作者投入母語書寫。
讓我們共下拿筆，寫出自家个聲，點亮時代个光，開出燦爛个花。

作者序：客語書寫个啟航 吳鳴
在四十零年寫作歷程中，𠊎毋識想過用客語來寫文學創作，學術論著還過無可能。在臺灣个學術養成過程，漢語書寫係標準訓練，大部分个人文社會科學論著，全係用漢語來寫，漢語自然變做閱讀摎寫作个基礎。𠊎毋係天縱英明者，在學術養成教育中，跈等先生，謹慎學行。
一九八○年八月大學三年生避暑，𠊎在花蓮豐田老屋，歷經一個零月讀書準備以後，放棄考歷史研究所，考慮做兵後直接出國讀書。雖然講後來因為生命个遭逢，做兵期間阿爸忽爾過身，退伍後𠊎還係留在臺灣讀研究所。
因為自大學三年生到退伍有三年時間，做得做兜自家想做个事情，緣此開始嘗試寫作。最頭前寫幾篇散文摎一篇報導文學，報導文學〈西瓜成熟時〉寄去參加第三屆時報文學獎，毋過並無著獎。多年以後堵著大阿哥小說家陳雨航，雨航哥係𠊎花蓮中學个學長，佢問𠊎係毋係寫過一篇〈西瓜成熟時〉，𠊎說係，佢講佢看過這篇文仔。𠊎想佢可能係第三屆時報文學獎報導文學三階段評審其中一審个委員，因為後尾落選，留存个影印手稿，歷經多次搬遷，乜毋知流落何方。散文寄去《明道文藝》後，主編苦苓寫信仔分𠊎，希望𠊎做得過寫兩篇，佢想為𠊎做一個新人展，幾篇散文共下發表。《明道文藝》係明道中學校刊，總編輯陳憲仁、苦苓同三個主編摎佢𢯭手，後來𠊎个幾篇散文斯在《明道文藝》用新人展个型式發表。記得《明道文藝》新人展第一個作家係吳俊傑，該時筆名柳翱，斯係後來个泰雅族作家瓦歷斯．諾幹；第二位係簡媜，第三個斯係𠊎。
開始寫作時人在花蓮，毋識跈先生學藝，斯有自家摹擬時文。記得大學一年生時，報名參加救國團主辦个復興文藝營，學校篩選後無通過，未得參加，所以在文學創作項無先生，完全自家摸等行。該時臺灣个散文寫作，基本上遵循民初以來个抒情傳統，𠊎个書寫自然跈著時文路數，偎向抒情美文傳統。
不惑之年，𠊎想著美文並毋係散文唯一个選擇，後來个文字漸漸從抒情轉向記事，斯係自張潮《幽夢影》偎向張岱《陶庵夢憶》，又因為學歷史个緣故，介於史家之文摎文人之史之間。
在四十零年个寫作歷程中，𠊎從毋識自稱作家，總係講自家係文字工作者；又因為絡食歷史講堂，所以講自家係歷史工作者，而毋敢自稱史學家。還過𠊎認為知識分子係社會良心，試著自家對社會無恁用心，乜毋識自稱知識分子，近年略可以接受个係知識人。
因為學術養成个緣故，無論寫學術論著抑文學創作，全用漢語書寫，有時在文學創作中，會用少數客語點綴定定。客語在臺灣畢竟屬弱勢語言，毋像漢語恁通行，乜無像學老話恁普遍。
二○二五年五月，作家張惠菁个一封電子信，分𠊎重新思考客語寫作个可能。該時惠菁自一間出版社轉去《鏡文學》做文學總編輯，承接《鏡文學》同客家事務委員會合作个「客語文學作家創作計畫」，希望𠊎做得參加，寫一本客語散文个書。𠊎回信時摎惠菁講，分𠊎過想一下。惠菁問𠊎若係有麼个困難，佢做得協助。𠊎乜講毋出具體有麼个困難，二○二五年二月𠊎對講堂退休，本來想自家日仔過輕鬆兜仔，接一本客語散文寫作計畫，對𠊎來講，考慮个有兩個因素：第一係𠊎有能力駕馭客語文字無？講客話係一回事，寫客語係另外一回事。臺灣作家寫大河小說者多係客籍，像吳濁流、鍾肇政、李喬諸前輩，佢兜个作品當然做得列入客家文學，嗄毋係客語文學，雖然在佢兜个作品當中，有時會用客語。對𠊎來講，愛寫一本完全用客語个散文集，確實有其困難。另外一個因素較個人，𠊎希望做得寫一本呈現臺灣風貌个客語散文，結合臺灣歷史、文化，呈現時代个精神。因為𠊎摎惠菁有特別个因緣，佢初到新出版社，接恁大型个寫作計畫，還係臺灣第一擺个客語創作計畫，總試著愛摎佢𢯭手。後來同惠菁往返討論，決定用《豐田歲時記》為名，書寫後山花蓮豐田村个故事，將後山農家个耕種摎歲時結合，同時將臺灣个社會、歷史、文化寫入書中。
「客語文學作家創作計畫」要求百分之六十用客語，𠊎在開始寫作時漢語、客語並行，後來發現兩者愛完全契合無恁該，所以在繼續个寫作過程中，第一遍用漢語、客語交迭寫作，無特別想係漢文抑客語；第二遍寫全海陸腔客話，第三遍將毋係客人可能無法度理解个用字，改做較容易識讀个語詞，同時摎客語加上注釋，注隨文行，最後編輯客語、漢語對照表，盡量做到分毋係客人乜做得讀得識。雖然𠊎心肚恁樣期許，乜認真去做，但係到底達成幾分，乜毋敢講一定係。寫作後期整理注釋時，主編許文貞尋个客語編輯羅盛滿先生𢯭手當多，佢同𠊎共樣係海陸人，阿滿仔个客語文造詣，分這本書更加偎近客人生活。本書排版前，卷三个客語註釋還吂做好，《鏡文學》編輯部臨時請客語作家張簡敏希𢯭手，好得敏希女士手腳當遽，這本書正赴一著順利排版，在這特別承蒙敏希女士。客語審定顧問邱湘雲教授學問深湛，客語優雅，修正意見全部採用，在這特別向湘雲先生敬申承蒙之意。
本書分做三卷，卷一開枝散葉寫家族故事，〈阿公阿婆摎佢兜个子孫〉寫父族个傳承，〈姐婆戴在媽祖廟後背〉係外家姐公、姐婆屋下个故事。〈阿姆个啦濟喲〉寫農家餔娘人个娛樂，從啦濟喲到電蓄，斯係自聽廣播到聽曲盤；〈阿姊渡𠊎行過細人仔時〉記錄該時庄下大姊斯像阿姆，渡較細个老弟、老妹，摎細妹仔出嫁前後種種；〈玉蟬姊摎二二八事件〉寫張七郎醫生事件，張七郎醫生事件係花蓮二二八个三大案之一，佢第三個心臼張玉蟬係𠊎个叔伯大姊，家族三十個叔伯兄弟姊妹肚，年歲最大个。〈頭擺个事情〉、〈入學〉、〈來去打極樂仔〉，寫𠊎个童年往事，記錄該時庄下細人仔成長个過程，圳溝、田項、菁仔林滿哪走，入學讀書，摎同學搞東搞西，彈泥珠仔打極樂仔。
卷二耕種寫一九六○到一九八○年代後山農家田事，首篇〈豐田移民村个前世今生〉寫豐田這個所在，對日本時代个移民村，到戰後个農家歲月；〈蒔田〉寫豐田最主要个農作禾仔，蒔田斯係漢語插秧、種稻，客語講蒔田有兩種意思，一種做名詞，意思係田肚種禾仔；另一個係動詞，意思係漢語插秧這個動作。豐田係臺糖公司个契作原料區，毋係直營原料區，種甘蔗係豐田農家个主要農作之一，〈種甘蔗分會社磅〉寫該時種甘蔗个來龍去脈，農民摎會社个契作關係，斬原料个過程，臺灣糖業个興衰。拓荒个第一步斯係種番薯，番薯耐旱，有兜泥就種一生，〈番薯毋驚落泥爛〉寫耕種人仰般一步一步拓荒个過程。客人屋下附近會種瓜果，〈瓜果滿園〉寫屋脣个果樹，豐田一九七○年代農家摎農會契作無籽西瓜專業區，對屋脣果樹到無籽西瓜、木瓜園種種。牛仔係農家重要耕力，〈牽牛去汶水〉寫細人仔時掌牛、割草記事，農家子弟仰般學做農事，摎阿爸𢯭手。
卷三屋下寫農家生活，自分灶起〈泥屋仔〉到紅毛泥屋，泥屋仔係後山客人常見个居家型式，摎學老人个塗墼厝無共樣，結構形式有別。阿姆个〈灶下〉寫農家煮食，大灶仰般照顧一家大細个肚屎，寫𠊎自燒樵煮飯个火頭工，到學習阿姆歡喜煮食。後山耕種人屋下會畜頭牲，〈六畜興旺〉記屋下个豬寮、雞塒、牛欄，頭牲係耕種人長下畜个。耕種人盡少買菜，屋脣个菜園一年透底有各樣菜蔬，〈菜園〉寫阿姆種菜个故事，細細个菜園，畜飽一屋大細个肚屎。〈兵寮〉寫退伍老兵，無共族群个婚姻摎家庭。一九五四年政府組織「退除役官兵輔導委員會」，在各地成立大同農場，後山當多老兵分屬各處个河壩灘地，豐田有兩個大同農場，另外在花蓮溪脣還有一個豐田開發處。陳耀圻導演个碩士畢業論文電影《劉必稼》，場景斯在豐田開發處工作大隊。〈神社做大戲〉寫後山地方寺廟摎農家生活个關連性，耕種人个信仰，野臺戲个起落。在一九七○年代電視興起以前，庄下賣藥仔係耕種人个娛樂，〈豐田廣場當鬧熱〉記錄賣藥仔个各種表演，為庄下人帶來歡喜樂暢个場景。
陳萬益教授在「客語文學作家創作計畫」共識營講：「客語文學創作要儘量寫到非客家人亦能看懂，這樣客語文學才可以擴大，而非關起門來自己人取暖，這樣客語文學將愈做愈小。」為著顧慮毋係客人个讀者做得順利進入客語世界，本書做較多个客語注釋，變到像客語版本个李永平《海東青》，係𠊎一開始無想著个事情，請讀者原諒。
承蒙《鏡文學》總編輯張惠菁尋𠊎參加「客語文學作家創作計畫」，分𠊎有機會摎另外六個作者共下，啟航𠊎个客語寫作。主持計畫个許文貞主編統籌其事，按部就班，安排寫作進程，諸事妥當，分參加計畫个作者安心寫作。文貞安排个客語編輯羅盛滿、張簡敏希，客語文造詣深湛，注釋客語，修改行文，𢯭手當多，在此特申承蒙之意。
這本散文集記錄一個所在，一個時代，一個家族，對日本時代个豐田移民村，到終戰後耕種人个生活，一個戰後移民拓荒家族个故事。節氣迭替，貫穿時代，融入歷史、文化、生活，希望做得為𠊎成長个故鄉豐田，留下時代个記事。

【主委序】
寫出自家个聲，點亮時代个光客家委員會｜主任委員 古秀妃
在臺灣文學的長河裡，客家的身影未曾缺席。
回望歷史，自日治時期至戰後，吳濁流、龍瑛宗、鍾肇政、杜潘芳格、鍾理和、李喬及詹冰等前輩作家，在彼個時代，受限於政治與教育體制，只能以日語或華語借筆書寫，那些未能以母語直抒的心聲，終究成為臺灣文學長河中，輝煌與缺憾並存的章節。
一九八八年的「還我母語運動」喚醒了族群意識，乃至二○○一年成立全球唯一中央級客家事務主管機關行政院客家委員會，三十年後的今日，歷經《客家基本法》修法及《國家語言發展法》的訂...

目次

寫出自家个聲，點亮時代个光 古秀妃
編輯室的話
作者序:客語書寫个啟航

一、 開枝散葉
1-1　阿公阿婆摎佢兜个子孫　
1-2　姐婆戴在媽祖廟後背　
1-3　阿姆个啦濟喲　
1-4　阿姊渡𠊎行過細人仔時　
1-5　玉蟬姊摎二二八事件　
1-6　頭擺个事情　
1-7　入學　
1-8　來去打極樂仔　

二、 耕種
2-1　豐田這個所在
2-2　蒔田　
2-3　種甘蔗分會社磅　
2-4　番薯毋驚落土爛　
2-5　瓜果滿園　
2-6　牽牛去汶水　
　　
三、 屋下
3-1　泥屋仔　
3-2　灶下　
3-3　六畜興旺　
3-4　菜園　
3-5　兵寮　
3-6　神社做大戲　
3-7　豐田廣場當鬧熱　

本書常用客語字

目次

寫出自家个聲，點亮時代个光 古秀妃
編輯室的話
作者序:客語書寫个啟航

一、 開枝散葉
1-1　阿公阿婆摎佢兜个子孫　
1-2　姐婆戴在媽祖廟後背　
1-3　阿姆个啦濟喲　
1-4　阿姊渡𠊎行過細人仔時　
1-5　玉蟬姊摎二二八事件　
1-6　頭擺个事情　
1-7　入學　
1-8　來去打極樂仔　

二、 耕種
2-1　豐田這個所在
2-2　蒔田　
2-3　種甘蔗分會社磅　
2-4　番薯毋驚落土爛　
2-5　瓜果滿園　
2-6　牽牛去汶水　
　　
三、 屋下
3-1　泥屋仔　
3-2　灶下　
3-3　六畜興旺　
3-4　菜園　
3-5　兵寮　
3-6　神社做大戲　
3-7　豐田廣...