種齒驚魂記

黃良成理事長的親身經驗，種齒過程經歷半冬較加的千辛萬苦，佇仝款的院所，遭遇無仝醫生的手路，有商業經營欲趁錢的話術，嘛有貼心關懷咧疼痛患者的醫生，雖然講「先生緣主人福，毋過作者建議有緣看著本冊的讀者，落車頭愛探聽，毋通想欲靠運氣，無彼號啥物攏毋驚，上驚開錢討皮疼。
為欲達到本冊普傳的目的，邀請台語文化班學員，逐篇翻譯，提供讀者那欣賞台語、華文那理解牙科治療的種種，另外有獨立篇章做衛教宣導、醫科用語台華對照等等，這攏是咱這本冊的特點。
台語欲傳湠，當然愛生活化、實用化閣趣味化，欲按怎用台語來記日常生活、開講破豆、對話應答，所以閣特別精選面冊的留話，這攏是學
台語、練寫作，上蓋好的實用教材。

本書特點﹝華語﹞：
1、 台華對譯：看華語解其意，對照學台語
2、 台語散文：心情記事，臉書留言與互動
3、 衛教宣導：植牙資訊，貨比三家做功課
4、 醫用教材：醫病對話，台語溝通怎麼說
5、 真人實是：僥倖遇難，辛酸苦楚深心痛
6、 親身經驗：兩百萬級，提供讀者經驗談

作者簡介：

國小校長退休了後，開始佇社區結合區公所辦理台語文化班，公益推廣，目前開拓7个區域，嘛成立「台語文化班學會」，擔任理事長兼班程講師。
自從參加教育部閩南語認證佮成功大學台語認證得著C2專業級，就隨佇民國103年擔任教育局「校長及教師台語認證加強班研習」講師到今。目前繼續咧拍拚，深耕社區，推廣台語文化，向望人人會當脫離母語青盲牛，開喙落筆用台語的程度。