風吹：周蘇宗臺語詩(附QR Code線上音檔)

立春 Lı̍p-tshun
春訊
溪頭雺霧
雨水 Ú-suí
落雨天
情批
驚蟄 Kenn-tı̍t
驚蟄
太平洋的風
春分 Tshun-hun
春分
風吹
清明 Tshing-bîng
阿母的新厝
草仔粿
穀雨 Kok-ú
穀雨茶
食茶
立夏 Lı̍p-hē
立夏
阿爸的跤踏車
小滿 Sió-buán
小滿
繭
芒種 Bông-tsíng
芒種
手指
夏至 Hē-tsì
夏至
大肚山組曲
小暑 Siáu-sú
小暑
止枵三寶
大暑 Tāi-sú
大暑
貨櫃情 讀路寒袖〈櫃情〉
立秋 Lı̍p-tshiu
蝕月
落葉
處暑 Tshù-sú
處暑
臺北街頭
白露 Pı̍k-lōo
白露
臺語秘魔崖月夜
愛
秋分 Tshiu-hun
寄命
時間的藥殼仔
寒露 Hân-lōo
寒露
磨墨
霜降 Sng-kàng
霜降
血脈
立冬 Lı̍p-tang
立冬
時針
小雪 Siáu-suat
小雪
睡人
大雪 Tāi-suat
大雪
心事
冬節 Tang-tseh
冬節圓
鬥片仔
小寒 Siáu-hân
小寒
豆仔點
大寒 Tāi-hân
大寒
送行 寫予蘇嫚
特別收錄 永遠的臺灣島： 寫予竹內昭太郎先生

 

推薦序

來看伊這部冊
李恆德
專業台文寫作佮教學

　　熟似蘇宗兄嘛才這幾年的代誌爾
　　會記得彼年我咧寫《教典無的老台語》
　　一工一篇逐工囥fb 發表
　　伊上熱心逐工入來看
　　毋是干焦看爾爾
　　閣認真揤讚，留言贊聲鼓勵抑是提供意見予我參考指教

　　我總共寫604 篇
　　伊逐篇綴甲到無一篇交落
　　這个過程中間伊嘛捌來台北相揣
　　和我鬥陣食飯開講
　　彼工阮和另外一个文友鄭如絜三个開講三點外鐘
　　無所不至談
　　破腹來相見
　
　　予我發見伊真正是一个12 分熱情豪爽的查埔囝
　　嘛予我知影伊真濟足無簡單的工夫
　　頭一項彼陣伊今仔參加一个全國性的語文比賽
　　伊頭一擺參加就共提著社會組全國冠軍真正無簡單兼無天良

　　第二項伊毋但寫詩gâu，記持嘛非常驚人，會記得有一擺伊敲電話予我，講起著伊的詩，伊紲喙背幾若篇予我聽，每一篇攏是幾百字的長篇，伊一篇仔閣一篇背起來，每一篇攏溜喙出，無頓蹬，無跳針，無嚶嚶嗯嗯，無呧呧嘟嘟，聲喉閣迷人有磁性，無輸張宗榮黃俊雄，予我感覺伊無行這途真正拍損，是講伊若較早出世咧，閣行這途，張宗榮毋就免賺食矣啦！

　　尾仔伊的詩專集出版聽講伊不斷受邀請去介紹伊的詩，短短幾個月伊全國走透透，講幾若十場，每一場攏滿台受著熱情的歡迎，這是別人做袂到的。

　　第三項伊寫詩寫甲變出色的詩人，演講會當做一流的演說家，其實伊本途是投資，嘛已經是成功的投資企業家，閣較可怕的是伊竟然會當走ma-lá-sóng，雖然只有半馬，對伊這个年歲來講已經予我吐喙舌澈底佩服，表示伊有足堅強的意志才會當做啥物成啥物！

　　了後我的彼本《教典無的老台語》出版，伊真慷慨共我相當的贊助，超出一般人做會到的程度，予我十二分的感謝！

　　這回伊這本詩的專集欲出版承蒙伊無相棄嫌，叫我共寫文推薦，我一下手就允伊毋是交情的問題，是伊的詩確實寫了好，好甲百分之百值得我推薦！(節錄)

天才型的詩人
路寒袖
詩人
第6、7 屆金曲獎最佳方言歌曲作詞人

　　我第一遍讀著周蘇宗的詩是〈斯卡羅戰歌〉，這首是第八屆教育部「閩客語文學獎──閩南語現代詩社會組」的參選作品，拄好我是評審，我誠佮意這首詩，當時我的意見是：（這首詩）寫的歷史事件是最近誠流行的公視連續劇，作者有用心做功課，是一首故事豐富、氣勢飽滇的史詩，「斯卡羅的血脈是用袂完的火炮／竹箭是驚天動地的機關銃」為本詩定調，「早起的雺霧是海洋咧悲傷吐大氣／欲暗仔的紅霞是天星墜落的血水」，這款詩句展現出作者的藝術性。誠歡喜這个看法得著其他評審委員的認同，所以〈斯卡羅戰歌〉得著第一名。佇我的心目中，這个作者會使講是詩壇內底的陳耀昌醫師。

　　講起來誠有緣，一段時間了後，有一工，我的好朋友臺語專家周美香教授專工送我一本伊的學員出版的詩集《觀音》，作者是周蘇宗，閣較重要是內底收入彼首〈斯卡羅戰歌〉，原來就是伊寫的。《觀音》是周蘇宗的第一本詩集，2022 年出版，上主要的主題是伊對阿母的思念，猶有伊佮佛法的因緣。其實周蘇宗的詩齡算短，2020 年年底才動筆，到今猶未滿四冬，就欲出版第二本詩集囉！跤手實在誠猛醒，伊佇《觀音》的〈自序〉寫講，開始寫詩的三個月內就寫欲三百首臺語詩，產量驚人，會使講是一个天才型的詩人；另外一方面，也會當看出伊若決定欲做的代誌，就會認真專心一直共拚落去。

　　這本《風吹》是以二十四節氣對立春寫到大寒，毋過無一定會用著每一个節氣的名稱來寫詩，譬如「立春」內底有兩首，一首是〈春訊〉，另外一首是〈溪頭雺霧〉，並無一首標題是〈立春〉的詩作。不而過像「驚蟄」，嘛是收兩首，一首就是〈驚蟄〉，另外一首是〈太平洋的風〉。

　　周蘇宗佇《風吹》猶原放袂落伊上數念的阿母，〈太平洋的風〉、〈阿母的新厝〉、〈小寒〉、〈冬節圓〉這幾首攏有阿母的影跡，〈太平洋的風〉內底的詩句：「鹹鹹的風是太平洋的氣味／袂輸番薯糜攪鹽的清芳」佮〈阿母，多謝你〉：「學生時代補習了後轉到阮兜／菜櫥仔內攏有一碗芳絳絳的鹹糜／頂面攏掖蔥仔珠花」（《觀音》，p.44），「鹹糜」是周蘇宗佮阿母上重要的聯結。其實予我上感動是：「阮毋敢放聲吼／恐驚傷過澹溼的目屎／會擾亂已經焦燥的所在／阮毋敢過頭想你／煩惱傷過沉重的思念／會硩歹墓園的植栽」（〈阿母的新厝〉）這兩小段。仝款是親情主題猶有寫阿爸的〈阿爸的跤踏車〉，寫外公的〈磨墨〉。

　　周蘇宗猶有一項誠特別的「特異功能」就是化用、轉譯別人的作品，像《止枵三寶》〈水餃〉、〈泡麵〉、〈炒飯〉和〈貨櫃情⸺讀路寒袖〈櫃情〉〉這兩首就是對我的情詩集《在門口罰站的天使》〈日常飲食三題〉和〈櫃情〉來的。〈風吹〉的靈感來自武雄老師的〈風吹，風吹〉；〈白露〉的根源是《詩經》〈秦風．蒹葭〉；〈臺語秘魔崖月夜〉真明顯是對胡適〈秘魔崖月夜〉而來。周蘇宗厲害的所在是伊袂受著原作的綑縛，會當誠輕可就吸收原作的營養分，脫胎換骨，生出屬於伊家己骨肉靈魂的作品。(節錄)

熟似伊是佇一節台語作詞課
武雄
台灣歌詞業界的工匠職人
第23 屆金曲獎最佳作詞人

　　時間大概是舊年熱人彼跤兜，我接著一項任務，愛來去共一寡有興趣寫台語歌的朋友，分享我個人寫歌詞的經驗，地點是佇咧中正廟，暗頭仔行入去大廳，突然間有一種生份的感覺，才發現原來這角勢，過去我kan-na 去過國家音樂廳佮國家戲劇院爾，當初伊禁止咱講台語，如今頭一改行跤到，是為著欲教台語，真正感慨萬千。

　　彼工我有較早到，家私頭仔才撨好勢，就有一个人過來挨拶，我心內暗想講，啊這个看起來都佮我頂下歲á，閣遐有心專工報名來上課，結果一下手就㧣來一本冊，冊名《觀音》，是伊才出版的台語詩集，而且káng 無偌久就聽會出來，這缽的無簡單，毋但台語有研究，創作有成績，若親像對我嘛有相當的了解，害我心頭摵一下，這聲費氣矣，這sian 絕對歹剃頭。

　　規欉好好果然無錯，彼工了後，我就不時會收著蘇宗的「早安貼圖」，內容千變萬化，有世事的議論，有人情的描寫，有時是伊幼秀多情的作品，有時是對社會種種的批判，比論講有一改詩壇發生文抄公的糾紛，伊就三不五時傳來伊的分析，一張對照圖畫紅漆青，證據現拄現，按呢若毋是抄，啥物才叫做抄？

　　明明是一个對世事充滿熱情的詩人，一个對佛法有修為的居士，結果掰伊的面冊，又閣捎無摠，一工到暗都咧發股市行情，我想講機關藏咧倉庫，探聽才知，原來伊是英國伯明罕大學的財務碩士，像這款十八般武藝逐項捌透透ê，講伊歹剃頭，一點仔都無共枉屈。

　　今年作詞課仝款有開班，因為伊的熱情佮專才，蘇宗已經對學員變身做班上的台語顧問，上課進前仝款來相借問，你共看又閣來矣，伊講伊年底欲出新的詩集，央我寫一篇頭序，論真講來，寫詩佮寫歌雖罔攏是文字創作，不而過各有鋩角，手路完全無仝，結果伊講這本號名《風吹》，害我連推都毋知欲按怎推。

　　詩集以二十四節氣做篇章，伊用幼秀的心，將日子化做詩句，一首一首記錄歲月，描寫對生活的感想、對親人的思念、對土地的關懷、對時代的觀察，講著過去，伊會用心考證詳細註解，使用的字句是端的的台語，採用的是正字台文，篇尾特別收錄的，幼，幼甲用伊飼的狗仔描寫天生萬物的感情；大，大甲用一本冊描寫戰後台灣島嶼的歷史風貌，蘇宗所關心的世界，就是遮爾á 開闊。

　　蘇宗熱情海派好鬥陣，講伊歹剃頭是咧半滾笑，佇歌詞業界，普遍攏知影我對寫歌這項手藝的要求蓋龜毛，看伊對創作的頂真綿爛，其實有一種照鏡的心情，自古以來這个語言佇這片土地受盡苦毒，雖然過去這成十冬有小可仔改善，猶原是每踏一步攏予人百般刁難，親像蘇宗這款的用心用情，更加使人珍惜。

自序

太平洋的風吹起我的詩心

　　《風吹》是我的第二本詩集，依著24 節氣，各收錄二至三首情詩，寫節氣也寫親情、土地及萬物的愛。第一本詩集《觀音》寫佛詩，也寫因緣生滅的人間萬象。《風吹》的風格比較隨意無拘束，還有主題歌，當然也叫《風吹》:「我是風吹，你是線。愛阮飛偌遠，你就放偌長。飛對海邊，加放一尺；飛上山頂，加放一丈。無論盤山過嶺，我知影，阮攏佇咧你的手中心。數念我的時陣，擢一下，阮就轉來你的心肝頂。」原本只是一首臺語詩創作，PO 在臉書分享，大俠許霈文毛遂自薦要幫我寫曲。鋼琴伴奏的demo 版，旋律樸素，音符動人。武雄老師就這首詩跟我聊起比例原則，世界第一高山8849 公尺，世界第一大洋長15900 公里。「飛對海邊，加放一丈／飛上山頂，加放一尺」，才合乎邏輯。〈風吹〉的線是感情線，不是理智線；何況，放風箏的人也許住海邊，線不用放那麼長。又說「盤山過嶺」是空軍，用「天邊海角」較佳。其實「盤山過嶺」是心路歷程，它不只是陸軍也是空軍，更是海軍。瓶中信，不就是思念的海軍？當然，我是亂掰的，武雄老師也不是找碴，他在訓練我找到自己的風格。

　　〈太平洋的風〉是我的第一首臺語詩，並未收錄在《觀音》詩集裡。不是沒想過，是調性不合，或者說選錄其他的詩更適合。2020年12 月13 日，跟著財金參訪團花東旅遊，九曲洞陣陣涼爽的山風，導覽先生Ganew 說是太平洋吹來的風。聽過胡德夫的〈太平洋的風〉，真的會吹這麼遠嗎？是懷疑或者不以為意，當晚入宿酒店，月色迷人，星光燦爛，太平洋的風不絕於耳，悠揚迴盪著。強震過後，太平洋的風依然吹拂，很多景色地貌已不復當初。再讀此詩，不勝唏噓。

　　〈溪頭雺霧〉是溪頭版的〈在水一方〉，迷霧、細雨、微光、鳥語，幻想的詩境。〈白露〉則是臺語版的《詩經• 秦風• 蒹葭篇》，晶瑩剔透的臺語文，「白露時分桂飄香」。

　　〈寄命〉寫礦工「七煞八敗」的命定與無奈，也寫礦工的勇氣與灑脫。〈大肚山組曲〉寫東海的Luce 教堂、鳳凰樹和相思小徑。有我青春年少的熱情想望，也有浪跡天涯後的恬靜與淡然。

　　〈阿爸的跤踏車〉是當年《觀音》詩集的遺珠之憾。寫〈阿母〉，也寫〈隔壁阿公的八芝蘭刀〉，沒寫阿爸說不過去。〈磨墨〉寫外公留給我的手尾──石頭墨盤。造型古樸好看，但印象中不怎麼好用。也許是外公拿來磨我的耐性，真的不好磨，跟我的個性很像。

　　〈睡人〉是「影後詩」，看完電影寫的詩。因為電影，間接知道《睡人》原著作者Oliver Sacks 及其豐富的作品與動人的一生。達斯汀霍夫曼演《雨人》，勞勃狄尼洛和羅賓威廉斯演《睡人》，都曾求教過他。《睡人（Awakenings）》於1973 出版，深刻描述被遺忘的嗜睡性腦炎倖存病人因著左旋多巴而逐一甦醒。真實紀錄片於1974 在英國播出，1990 原著改編的電影上映。睡人在如雕像冷漠般的外表下，其實也有著熱情心智與善美個性。

　　《止枵三寶》含三首小品。〈水餃〉的「腹肚內擔蔥賣菜」，就是臺語的各行各業。有人說〈泡麵〉寫得傳神，我曾經是泡麵控。吃遍山珍海味，還是要一碗熱騰騰的泡麵，做為完美的Ending。〈炒飯〉好吃的關鍵，冷飯熱炒，感情不也該歷久彌新？

　　(節錄)

　　〈送行〉寫給蘇嫚，我最疼愛的狗女兒。她喜歡聽Andrea Bocelli的歌，她喜歡看宮崎駿的《崖上的波妞》，她喜歡玩touch down看誰先達陣臥室沙發。阿嫚是生命的勇者，2023 年16 歲，歷經兩次癌症手術，出院後依然樂觀天真。4 月26 日凌晨，我抱著阿嫚，念誦108 遍往生咒，從此吃素，功德迴向。

　　《永遠的臺灣島：一九四五年，舊制台北高校生眼中戰敗的台北》是一本真情動人的紀實文學，竹內昭太郎以灣生的角度，抒發1945年他眼中的臺北城，以及充當學徒兵時的體驗與戰爭的反省。〈永遠的臺灣島：寫予竹內昭太郎先生〉是我以一位老臺北的在地人觀點，對再孰悉不過的歷史場景的真情呼喚。「古亭菜市仔邊一六軒的弓蕉牛奶糖，滋味難忘的喙食物」，「一六軒」大約是現在飛碟電台對面Starbucks 古亭市場附近，祖父就是一六軒糕點師傅的第一把交椅。

　　「推薦序」是寫序者的感覺，我一個字都不會改。說我是宗師或是「棕蓑」，說我是他們心目中的什麼人，我都尊重。畢竟，那是寫序者的感覺，我無法替他們感覺。李恆德前輩、路寒袖、武雄老師都曾在文字、詩句或歌詞方面給我意見，受益良多。邀請他們三位幫我寫序，很高興，也有些頭痛。高興的是三位真的都超級會寫，而且全臺文寫序；頭痛的是三位的序，怎麼排序？我跟李恆德前輩說他的序排第一篇，他說不要啦，其他兩位都那麼出名，他排第三篇即可。我說，你的排第一篇，也不會比他們出名，就這麼辦。本來想照姓氏筆劃，筆劃少的排前面，李恆德一定會說「死囡仔你刁工的，in 兩个攏姓王才四劃；我姓李七劃，註定排尾溜。」沒錯，路寒袖和武雄老師都姓王，也都得過金曲獎最佳作詞人。推薦序我是照他們的年紀排列，年紀大的排前面。

　　《風吹》的出版， 除了原來的香海團隊及旅美畫家劉思妤Stephish，這次特別邀請劉倍綺老師幫忙校稿，效率提升不少。感謝李恆德前輩、路寒袖老師及武雄老師不吝賜序，瀧瀧大哥的精心錄製賦予《風吹》更豐富的內容。我的臺語詩就只是詩，寫的時候沒想太多；寫後分析，更是不在行。因為寫序，講了詩沒明講的話。然後，也覺得蠻療癒的。