◎代理經銷 白象文化
《 CHHIAU-CHHŌE樹王公 》則設定在一個失去自然、人類須仰賴人工樹苗呼吸的未來城市中。主角於夢中展開尋找「樹王公」的旅程，逐步體悟大自然的重要與土地的溫度。透過奇幻寓言與詩意意象，作品帶領孩子思考：「沒有大自然，就沒有新鮮的空氣」，並進一步理解人與環境之間密不可分的倫理與依存關係。 本計畫所選議題，在台語繪本領域中極為罕見。當前市面上台語繪本本就稀少，其中觸及民主、自由、環境、假新聞等當代重大議題者更是鳳毛麟角。多數現有作品著重於生活語彙或民俗題材，鮮少以母語承載公共性與時代感。本計畫因此別具意義，期望藉由補助資源，讓這兩本繪本儘早與讀者、尤其是母語家庭與教育現場見面，展現出台語不僅是家庭語言，更是可以深入社會、關照世界的語言。 除出版發行之外，計畫亦將規劃十場以上母語說故事活動與導讀工作坊，深入社區與校園推廣，促進母語復振，提升兒童與家庭對社會議題的理解與對話能力。我們深信：自由的呼吸，來自閱讀，也來自森林；而這份自由，台語不但能說得出來，更能說進人心。
作者簡介：
◎1981年台南灣裡出世，無受過正式台語教育kap文學訓練。2006中央大學電子電機所碩士畢業，目前外商公司上班。Tòa府城，父母無受siáⁿ教育，厝內底lóng講台語。2013年底開始寫台文，希望能為台語母語傅承下去。
各界推薦
名人推薦：
◎推薦人：Ngô͘ Ka-bêng（台文雞絲麵發起人、打狗台語文促進協會理事
《CHHIAU-CHHŌE樹王公》ê故事背景，親像電影sái-poh phàng-khuh（cyberpunk）描寫人類未來世界科技有大進步，地球環境煞大退步，真適合爸母和囡仔討論相關議題。這款題材tī台語畫本是頭1擺出現，信龍兄上gâu寫現代、未來ê故事，kā台語文現代化、生活化，koh向前行1大步。
◎推薦人：Nó͘-lah游沛綺
注心拚勢推廣人權教育，已經過身ê作家幸佳慧長時間推廣用繪本古kap囡仔講要緊ê代誌。
《CHHIAU-CHHŌE樹王公》kap《阮TAU TŌ是圖書館》這套繪本tiō是chin好ê例！杜信龍用奇幻弄險、衝突ê故事情節佈局，hō͘囡仔會當進入故事情境，去體會主角所看見ê，誠適合老師ia̍h-sī家長來引chhōa囡仔思考對談，建立思辨ê腦神經迴路、粒積uì多方面去思考代誌ê慣勢，面對現此時網路詐騙假消息、歹心有惡意ê人，會知捌ài保護家己，koh進一步培養公民素養，守護咱台灣猶chin幼茈脆弱ê民主自由。
◎推薦人：繪本主角本人 阿齊kap阿真
阮阿爸koh再編新ê故事ah，緊來買ŏ͘。
◎推薦人：種籽創意繪本手作坊 葉欣怡
Tī《CHHIAU-CHHŌE樹王公》Chit本台文繪本，杜信龍先生用幼路ê手法，引chhōa讀者看咱四箍圍當咧發生ê變化。空氣汙染愈來愈嚴重、土地hō͘人破壞，真濟生物姑不而將離開舊底ê棲息地；hām樹仔mā無法度承受惡化ê環境來ta̍uh-ta̍uh-á消失。作者透過「樹王公」ê形象，kā咱提醒：nā繼續無重視環境問題，未來ê囡仔mā看袂著足ām ê森林，mā無法度tī自然ê當中感受著生命ê韌性。
繪本m̄-nā有講著hō͘人煩惱ê生態議題，koh進一步思考氣候變遷對人類生活ê衝擊。氣溫繼續chhèng懸，極端氣候變化，濟濟現象lóng警告咱──地球會袂堪得--ah。面對生物大量消失甚至生態崩壞，每一个人lóng需要重新思考：咱現此時會當做啥物？Koh願意為地球改變gōa濟？
Chit本作品以台文呈現生活中真實存在ê環境挑戰，hō͘大人kap囡仔lóng用母語思考「守護地球」chit件代誌ê迫切。伊m̄-nā是一本故事冊，koh是一面提醒咱愛惜土地、關心未來ê鏡，非常值得推薦hō͘所有家庭hâm教育現場來閱讀。
◎推薦人：台語路協會理事長 董力玄
《CHHIAU-CHHŌE樹王公》用科幻ê手路siâⁿ人去思考「咱想beh愛一个啥款ê未來」。故事無提供結局，hō͘讀者真大ê想像空間。
《阮TAU TŌ是圖書館》透過歷史事件，刺激人去關心現實世界「假新聞、思想限制、甚至是戰爭」ê問題——咱著愛靠閱讀訓練思辨能力，才有法度面對未來。
兩本冊lóng對囡仔ê好玄出發，會當延伸濟濟主題，真值得親子共讀，做伙討論。
名人推薦：◎推薦人：Ngô͘ Ka-bêng（台文雞絲麵發起人、打狗台語文促進協會理事
《CHHIAU-CHHŌE樹王公》ê故事背景，親像電影sái-poh phàng-khuh（cyberpunk）描寫人類未來世界科技有大進步，地球環境煞大退步，真適合爸母和囡仔討論相關議題。這款題材tī台語畫本是頭1擺出現，信龍兄上gâu寫現代、未來ê故事，kā台語文現代化、生活化，koh向前行1大步。
◎推薦人：Nó͘-lah游沛綺
注心拚勢推廣人權教育，已經過身ê作家幸佳慧長時間推廣用繪本古kap囡仔講要緊ê代誌。
《CHHIAU-CHHŌE樹王公》kap《阮TAU TŌ是圖書館》這套繪本tiō是chin好ê例！...
作者序
◎杜信龍
序——未來ê選擇
阮真ǹg望chit 2本繪本《阮TAU TŌ是圖書館》kap《CHHIAU-CHHŌE樹王公》 ē-sái做伙出出--leh。算是完成阮1 ê心願，mā thang增添台語1 kóa新議題thang討論。
Che故事mā是回收koh再利用（2017.11.17 寫--ê）。自2012年tńg來台南，就愈khah注心社會議題，思考未來。到taⁿ，猶原m̄ káⁿ講che選擇是「完全正確」，iah是lóng無後悔ê所在。總--是，人ê一生lóng是所有選擇ê集合。阮到某1 ê歲數時，chiah thang理解che「hiau-hēng」ê事實。Khah hiau-hēng--ê是有1 kóa現實ê事實是，bē少選擇m̄是阮家己做--ê。
出世父母lia̍h外，頂1代決定後1代ê未來、核電廠、戰爭，大自然ê破壞、地球起變化、愈來愈熱、極端氣候、社會衝突、科技直直進步⋯⋯等等。Siōng尾，to ài回歸人ê本質。
Beh tńg來台南ê時，台灣ê百岳差不多peh beh 6、70座。阮tiāⁿ想，是m̄是有1日ē-sái去完成che 100支山頭？Hit時kám有法度去？時間、金錢kap體力lia̍h外，chiah ê風景kám koh猶原tī--leh？
Peh山人siōng ài講「山，tō tī hia！」咱ê生存空間teh變，地球teh變，人性ê貪念愈來愈無法度收sok。未來kám ē親像電影搬--ê án-ne來滅亡？甚至是人食人，khah有階級--ê ē thang決定低階人ê運命？Kan-taⁿ，強者chiah thang生存--leh？
咱ê選擇是siáⁿ？咱kám有法度看khah hn̄g--leh？Chē-chē人想講che離咱chiok hn̄g。總--是，人生ê長度講長mā bē過100冬。人ê文明歷史，自有民主社會、有股市chit款經濟行為，mā無超過200冬。科技kap經濟ê進步，soah是指數teh變化，siáng ē-tàng講咱ē-sái永遠án-ne發展--lo̍h-去？
講che m̄是beh poa̍h悲情。一--來，阮beh為gín-á出冊；二--來，beh kā che議題繼續延續--lo̍h-去，好thang ǹg有人繼續接手，一直到che世界愈來愈好。M̄是阮高尚，有使命。是選擇，是阮人在世，想beh留1 kóa美好。我想每1 ê人lóng kāng款，總有1日ē去秤家己生命ê重量。Chit日siōng好m̄是咱人tī世間ê最後1日，mā siōng好m̄是別人來秤。好朋友--a，你講是m̄是？
2025 nî 5 goe̍h 17.
◎杜信龍
序——未來ê選擇
阮真ǹg望chit 2本繪本《阮TAU TŌ是圖書館》kap《CHHIAU-CHHŌE樹王公》 ē-sái做伙出出--leh。算是完成阮1 ê心願，mā thang增添台語1 kóa新議題thang討論。
Che故事mā是回收koh再利用（2017.11.17 寫--ê）。自2012年tńg來台南，就愈khah注心社會議題，思考未來。到taⁿ，猶原m̄ káⁿ講che選擇是「完全正確」，iah是lóng無後悔ê所在。總--是，人ê一生lóng是所有選擇ê集合。阮到某1 ê歲數時，chiah thang理解che「hiau-hēng」ê事實。Khah hiau-hēng--ê是有1 kóa現實ê事實是，bē少選擇m̄是阮家己做--ê。
出世父母lia...
iRead灰熊愛讀書
三民網路書店
TAAZE 讀冊生活
金石堂 KingStone
博客來
