阿姆个心事

輯 1：阿姆个心事
信仔
茶米香
碗筷會飛
童年火車頭
偉士牌
該雙皮鞋
立冬，燉補
艾仔菜包
粄圓
這時節
帶等這種味緒，轉屋家

輯 2：香火
香火
阿公个貯金簿
奈何離開
恬恬仔存在
阿公，你哪久轉來
禾稈味
嚼
在該時節
莊頭，轉年
掛吊

輯 3：一角春天
一角春天
一面幸福，一面痛苦
乜想愛
天花炮
火焰蟲
幸福个味緒
童年印象
禾埕舞台
香絲，一蕊花
花戀

輯 4：田園‧大埔
田園‧大埔
一條古
五穀爺
天穿日
耕．種．人
土地係麼人个
火灰
留下來
童年，摎你來想
長流水

輯 5：昂天湖之歌
昂天湖之歌
布洛灣个應聲
乃木崎
吉野，知卡宣
花蓮慶修院
花蓮峽谷音樂季
蘭陽博物館
七星潭
六十石山
Shakadang 步道

輯 6：小琉球之歌
小琉球之歌
鹽，滷
東大寺
櫻花樹下
雞卵花
埤塘脣个風景
矮靈，祈福
望
寒風雪雨
頓恬个雲

輯 7：秋愁客來
秋愁客來
命
秋風，來去
浮雲人生
打開自家个心門
長透，長豆
啉酒
當季，當貴
醉．夢．園
你問在哪位等你

輯 8：問天公
問天公
九月論斬
衰過台灣人
風搓心情
一種味緒
還慶，台灣人
假使你係人，請你共下來反核
毒水，在神經裡肚
同講，一擺就好
聽眾

輯 9：一條線
一條線
校園肚个面相
時間—進行曲
接力棒
慣勢
樂聲傳心聲
熱天涼風
驚生份

輯 10：語言个出路
語言个出路
嘴會講話
無死無生
濛濛
想睡
寒冬寫作
語言．鏡仔
遶山花
歌舞桐花

淚眼婆娑唸客家詩文
《阿姆个心事》賞讀

〈信仔〉

正嫁入門
你就去做三長年兵
所有个感情
寄付在一封過一封
來來去去个信仔裡肚
大家庭个三餐點心
𠊎從頭料理
家娘講毋會煮食
敢嫁來吾屋家个話語
輒常在半夜
同目汁攪到共下
吞落吾个心肝肚

歸大帳个衫褲
逐日打早在該等等
愛去圳溝肚洗
兩支嫩手
亼出千萬隻个茶箍泡
泡面目汁含等
家娘个面嘴
水竇肚个大肚魚泅上泅下
無唉無哉
毋會問起孤單个思念
單淨暗夜做伴
去尋
信紙裡肚
心靈个安慰

〈阿公，你哪久轉來〉

還記得六十年前个朝晨
你同阿婆講
愛去街路遶遶看看啊
該日生光半夜
你毋記得轉屋下
大家尋上尋下
看毋著若个身影
街路項个人講
當像你跈麼人出莊

一個月過忒
滿哪仔就尋你
你還係無轉來
屋家老嫩大細
有目汁噭到無目汁

歸隻年過忒
所有个親戚朋友
搭信還係消息全無
希望个火種
漸漸仔變幼
該係做對年个時節
屋家人尋無若个烏身
尋無若个魂影

十過年過忒
逐日阿婆恬恬無講話
面無表情
閒來總係在屋簷下
坐在凳仔項
頭望望仔
望向禾埕大門後
轉屋家个路

六十年過忒
阿婆早就收起目汁
去天國遊覽
該日去街路
遶遶看看个阿公
毋知有同阿婆共下
在天頂守顧
自家个子子孫孫無？

〈田園‧大埔〉

闊闊个沙埔
河壩流過
帶來肥肥个泥肉
闊闊个沙埔
祖先行過
開出靚靚个田園

春天行到田心
青青个禾苗
舞出餳人个身影
熱天行到田脣
涼涼个樹下
聽著樂暢个鳥聲
秋天行過田洋
金金个禾穀
高唱收成个歡喜
寒天行過田肚
白白个蘿蔔
打出好食个味緒

每擺行入田莊
醹醹个人情
流入自家个心肚
每擺行出田莊
醹醹个人情
流入大家个心肚

闊闊个田園
政府畫過
生出一條一條个大路
生毋出香噴噴个米飯
也生毋出靚靚个風景

闊闊个田莊
政府畫過
生出一搭一搭个園區
生毋出燒暖个人情
也生毋出土地个疼惜