大海我閣來矣-FindBook 找書網 ISBN:9789863268659

圖書名稱：大海我閣來矣

本書延續詩人王羅蜜多第一本台語詩集《鹽酸草》輯三之創作，以優美的台語文字傾訴對海的癡迷。

王羅蜜多走遍全台各地海岸，靈感猶如潮水般湧入，從作品中能感受到詩人對海的疼惜，藉由與海的對話，展現最真誠的自己。除了詩之外，書中還有不少詩人親自拍攝的海景，與詩文兩相呼應，誠摯邀請大家「做伙來愛大海」！

【名人推薦】
「這是一本寫予大海的情詩。王羅蜜多佇100篇連作的起頭句，攏用『大海我閣來矣』的類似句法切入，毋管是『大海我閣來呦』或者是『大海我閣來嘞』……，種種的變化，總是伊對大海想欲傳達的深深的意愛。」──詩人向陽
「王羅蜜多佇《大海我閣來矣》這本詩集有多面的抒情性，以大海做中心，一重盤過一重，讀起來相當豐沛閣有變化。對台語抒情詩的發展來看，這款多面性的開發，絕對是要緊的一跤步。」──小說家胡長松

【特別收錄】
詩人‧評論家李瑞騰專文──〈王羅蜜多答編者十問〉
透過李瑞騰精準提問，從創作起源、理念及自我剖析等面向，帶領讀者進入詩人王羅蜜多的世界，一窺他內心海的模樣。

作者簡介：

王羅蜜多
本名王永成。淡江大學中文系畢業，南華大學宗教學碩士。曾獲台灣文學金典獎台語新詩創作獎、台文戰線現代詩與小說首獎、教育部閩客文學獎小說與散文首獎、台南文學獎華語新詩、台語小說與台語散文首獎、乾坤詩獎、金車網路詩獎、台中文學獎、玉山文學獎、桃城文學獎、菊島文學獎、夢花文學獎、桐花文學獎、雲林文化藝術獎等。詩作兩度選入年度台灣詩選。
已出版詩集〈問路用一首詩〉、〈颱風意識流〉、〈鹽酸草〉、〈王羅蜜多截句〉、〈日頭雨截句集〉等。

章節試閱

大海004

大海，阮閣來了。
今仔日是汝的大生日
汝規个胸坎鑽石袚鍊
歡頭喜面閃閃爍爍

海鳥一隻一隻飛來矣
海魚一尾一尾浮頭矣
眾神佇汝的身邊踅來踅去
烏雲一蕊一蕊走去覕
日頭公也目睭攏無nih
毋知落山，一直看汝

只有阮，只有阮
坐佇壁邊，佇燒燙燙的塗沙面頂
等袂著單獨佮汝講話的時，只好
紮兩个蚵仔殼佮一束欲送汝的花
恬恬倒轉去

等汝有閒的時陣
才閣來揣汝。

──────

大海018

大海我閣來了。

雲若愈薄，汝就愈厚，厚tut-tut的腹內是真的，厚甲無法度測量。
雲若愈厚，汝就愈薄，薄縭絲的...

顯示全部內容

作者序

做伙來愛大海／王羅蜜多

去看大海，有時陣會想著論語雍也篇講的：「知者樂水，仁者樂山」。
窮實我深深愛大海，佮這組成語無底代，而是誠自然的發展。
年過花甲進前，我誠愛peh山，一方面是運動身體，減肥，另方面會當欣賞大自然的山石溪溝，樹木景緻，誠心爽。
無疑誤，peh過兩三冬，當歡喜減肥七公斤，身軀變較束結健抽的時，左爿的跤頭趺紲起疼。就按呢換騎越野鐵馬peh小山崙，走公路，四界去。過一冬爾爾，也是袂通。最後一招，就是行路。
講著行路，若是純然佇街路賴賴趖，感覺無蓋趣味，而且車輛濟，空氣無好。有一工，專工開車去安平海邊，佇沙埔頂留落一逝長躼躼的跤蹄號。海水一湧一湧捒過來，日頭公一襇一襇共抾起來，縫紩珍珠、鑽石、黃金，海風吹來，一堆祓鍊佇我的目睭內跳舞，唸歌詩。
一擺兩擺……漸漸予大海迷去矣，我深深愛著大海。
我愛著伊的貓霧光，伊的日出、中晝、黃昏，伊的好天，落雨，鹹霧水氣。我逐時用手機仔翕海面、天頂、沙埔，翕漂流木，紅色號旗，翕甲連沙塗頂的一跤雙拖仔，一支空矸仔也有趣味。
閣紲落去，我也愛著海沙埔，防風林的美麗樹木花草。一年四季，有變佮無變的植物，伊的硬掙、生湠，伊的媠氣，透濫海風的鹹芳，攏予我痴迷。譬如有一工透早，佇沙埔頂雄雄看著，一群海埔姜粉紫色的花蕊，笑微微，兼共我吐舌，予我歡喜的心情連續波浪幾若工，退袂去。
幾若年來，我將西海岸的愛，進一步湠向島嶼的四箍輾轉，彌陀溪口，北港溪口，基隆和平島，宜蘭頭城海邊，鵝鸞鼻海岸線，台東金崙，澎湖林投海沙灘……無仝的海岸，海面的笑容無仝，海湧也吼無仝聲。這款的行踏，已經參運動身體無關矣，這種行程，會一直繼續落去。
無偌久，我發現這種深情的愛，無盡的探訪，已經誠自然涶入文學創作內底。
我四常共大海寫入詩、散文、小說，寫做報導文學，用華語，用台語，也用各種語言透濫。其中，台語詩上濟。
自2016年5月27日佇面冊發表「茶話」開始，源源不絕，一波接一波，一湧紲一湧的「大海我閣來矣」系列，半年內累積三十外首台語詩，相續佇刊物發表了後，這波的書寫就停落來。2017年我出版頭一本台語詩集〈鹽酸草〉，就將伊囥入去。本底掠準我心肝內戀戀大海的波浪已經恬靜，書寫也告一段落矣，想袂到佇2018-2019年中間，猶原念念不忘，往大海行踏的跤跡閣湠到島嶼四箍輾轉，也拋過大海，去外島轉踅。這時陣，我佮大海的對話，一直演變中，我的跤浮浮，也四常飛入超自然的幻境。關聯著神，本真，宗教，心理學的內容陸續出現。終其尾攏總完成一百外首。遮的詩語，毋管散文式的，平行的字逝，總是順其自然，對心靈底蒂濆出來。大海我閣來矣，這陣才是正式告一段落。而且以我對大海的痴戀，單獨來出一本詩集來送予大海，變成擋袂牢的願望。
2020年正月，終於共作品編輯完成，準備出版。這本冊分做四部份，第一輯「大海我閣來矣」35首，佇人參大海自然的對話中間，透露出深情關愛，毋甘佮疼惜，也漸漸透濫心事表白，人生討論。第二輯，「大海我猶閣來矣」55首，佇深情溫馴的對話內底，閣加入愛情親情性命心性，文學哲學，以及對社會的批判剾洗，自我的反省等等，而且沓沓仔開始佮神對話。第三輯，「小海我閣來矣」10首，回轉去童年純真，借著海水的想像，牽挽無仝時空，情感的交插，致使佇身心靈流動當中，濆出回歸伊甸園的肖想向望。第四輯「海，我閣來矣」3首，用大小海思考的變換，延續神聖的氛圍。
按呢躼躼長的對話，親像海水一波一波滾袂煞，也敢若一種修行靜觀的過程。至於參「智者樂水」的講法是毋是有牽連，就隨人體會矣。總是，毋管咱按怎想，大海原在做伊滾絞，唱歌，一千年一萬年，攏無表示悲傷抑歡喜。

2020/1/17寫佇大目降畫室

顯示全部內容

【總序】不忘初心／李瑞騰
王羅蜜多答編者十問／李瑞騰

話頭
寫予大海的情詩──讀王羅蜜多詩集《大海我閣來矣》／向陽
百面千嬌的有情大海──論王羅蜜多《大海我閣來矣》的多面抒情性（評序）／胡長松
做伙來愛大海／王羅蜜多

輯一　大海我閣來矣
茶話
海邊無陳雷
大海002
大海003
大海004
大海005
大海006
大海007
大海008
大海009
大海010
大海011
大海012
大海013
大海014
大海015
大海016
大海017
大海018
大海019
大海020
大海021
大海022
大海023
大海024
大海025
大海026
大海027
大海02...

顯示全部內容