賴和的相思-FindBook 找書網 ISBN:9789865529475

圖書名稱：賴和的相思

《賴和的相思》這本冊攏總有八十首詩，分成四輯，主題包含台灣這塊土地上發生的各種阮思考的代誌、抑閣有台灣歷史的發現、地景的描寫、生命意義的探討，詩中有阮家己的思想觀念佮期待，就親像阮佇〈耕咱兜的田園〉第一段詩寫的，是阮對台灣文化揣路人的一種心情紀錄。

對半線行過磺溪到彰化的這塊田園
攏種外來的植物　粗枝厚葉蔭影崁頂
原生種子煞袂發芽　失去台灣人的志氣
拍見土地的靈魂　不肖的囝孫心目中
有黃河攏無賴河　日治時期
和仔仙　拍開台灣新文學的門窗
引進　民主自由新觀念　教咱
喙舌佮筆尾合一　寫出低氣壓的山頭
攑一枝秤仔佮警察捙拚　喝著勇士應為義鬥爭
種入公理佮正義的種子　發出批判佮抗議磺溪精神

規本冊分成四輯：
第一輯「揣路的人」攏總二十首，對轉去故鄉揣路的心情變化開始，佮走揣台灣的大街小巷，發現鄉親的常民歷史佮生活情形，用母語詩去建構的地理、歷史、生態、環境的變遷。
第二輯「賴和的相思」：透過一九三○年鄉土論戰語言的問題開始，攏總二十一首中，講的是台灣人佇這塊土地，為著爭民主自由的生活，追求台灣獨立的精神咧拍拚佮犧牲。
第三輯「月台的春天」攏總二十一首，這輯的作品攏是阮佇台灣各地行踏，有時陣去旅遊、講演、𤆬學生去戶外教學，看著的地景有有詩情的感動。
第四輯「天頂彼粒星」攏總有十八首，有〈天星〉、〈漁女的身影〉中對已經離開世間阿母的數念開始，嘛有〈煙吹佮老父〉懷念阮天頂的老爸，是一種對親情的描寫。也有寫一寡對台灣社會上的慈善家的尊敬。

1.收錄康原80首台語詩集，追隨賴和的足跡，見證台灣的歷史足跡。
2.康原的台語詩，以最台灣的語言，書寫屬於台灣的人文風情與故事。

作者簡介：

康原
一九四七年出生在芳苑鄉，現居在彰化市香山里。曾獲第六屆磺溪文學獎特別貢獻獎、吳濁流文學獎新詩獎，以及文化部「金鼎獎」。曾任賴和紀念館館長、彰化師大台文所「作家講座」、南華大學文學系「講座作家」，及彰化師大「彰化學」叢書總策劃。
重要著作：《懷念老台灣》、《台灣囝仔歌的故事》、《八卦山下的詩人林亨泰》（玉山社）；《人間典範全興總裁》、《囝仔歌教唱讀本》、《台灣囝仔歌謠》、《追蹤彰化平原》、《逗陣來唱囡仔歌1~7》、《港都的心靈律動》、《番薯園的日頭光》、《噴霧氣飛出的春天》、《施並錫的魅力刀與彩筆誌》（晨星）；《文學的彰化》、《八卦山》、《二林的美國媽祖》（彰化文化局）；《花的目屎》（遠景）等八十餘本。

梁一念
大學畢業於加拿大安大略省藝術大學（OCAD）插圖系。專研素描、插畫、油畫、平面設計、電腦繪圖等。擅長畫動物的神韻、眼神。有自我風格，線條流暢、清晰，有強烈的力度和節奏感，給予讀者豐富的聯想。在一切視覺形式語言的元素中，具有真摯情感的表現，尋找出與情感相對應的符號圖式和語言表達。

章節試閱

1 揣路
真久　無轉去故鄉
細漢行過的路　有一點仔
生疏　盤過田園的高架公路
紅毛塗柱　真大箍
高速公路的交流路口
迵入　過去阮兜的田園
揣無阿母為青菜梳妝的身影
真久　無轉去田庄
路頂的少年家仔　有淡薄仔
生份　囡仔兄　借問
陳村長的厝按怎行？
伊的靈已經搬去穎川堂的公廳
墓仔　做佇林頭崙的山坪
恬恬咧聽　九降風的嗽聲
日治時代　開挖的四知圳
圳水　流過春天的田園
白雲　巡過一庄閣一庄
風聲叫著　白翎鷥緊起床
暗光鳥　已經飛倒轉
阮向少年鄉親借問
收驚婆仔　猶閣有踮咱這庄？
揣無故鄉孰似的　人
...

顯示全部內容

作者序

揣路人的心情　康原

一九九五年阮擔任賴和紀念館館長時，發現賴和佇一九三二年就發表台語詩歌〈相思歌〉，佇彼時陣就有一寡前輩文學家主張「用阮的手寫阮的喙，筆尾佮舌頭合一」，但是日治時期台語白話詩的寫作並無繼續落來。戰後的一九九一年前輩詩人林宗源佮黃勁連等人創立「蕃薯詩社」，發行《蕃薯詩刊》，強調「台語文學就是台灣文學」。佇這個時陣，阮為著欲寫《八卦山下的詩人林亨泰》的傳記，做訪問時伊對阮講：「一生上遺憾是無用家己的母語寫詩。」這句話挵著阮的心肝頭，伊閣再講：「台語是構成台灣文學的條件之一。」對彼的...

顯示全部內容

［自序］揣路人的心情　康原　002

輯一揣路的人　011
1 揣路　012
2 磺溪書院　014
3 小西巷風華　016
4 扇形車庫　018
5 卦山風雲走街仙　022
6 漚鬱熱的八卦山　026
7 鹿城的風華佮舞影　028
8 王功港的故事　032
9 走揣半線阿束社　036
10 走揣福爾摩沙台灣　042
11 蒜頭糖廠　043
12 烏水溝波浪的海湧　044
13 蘭嶼的日出　051
14 百果山跤的林仔街　052
15 壢西坪的舞會　056
16 龜山島　058
17 耕咱兜的田園　060
18 漁人碼頭　064
19 卡拉OK的旅途　066
20 鯉魚潭邊的石虎　070

輯二賴和的相思　071
...

顯示全部內容