王亮文

作者序

林秀珍（台南女中ê國文科教師、指導台灣文化隊社團ê老師）

Tse是一个淒涼ê故事，想袂到竟然離阮hiah-nī-á近。Iah-koh會記得，2013年12月12，郭振純先輩來到台南女中，hit時tú-á好是學校運動會ê前一工，學生lóng leh無閒佈置會場，郭先輩tshuā阮一陣人來到運動埕邊á ê金龜樹跤，kā阮講丁窈窕學姊ê故事。郭先輩講：「丁窈窕tiānn-tiānn講，校園內ê生活是伊tsit世人上歡喜ê時陣。」郭先輩講，伊有kā窈窕學姊ê一tshok頭毛埋tiàm tsia，向望窈窕學姊會當永遠守護tsitkuá青春活潑ê查某gín-á。無毋tio̍h，運動埕邊á滿滿是運動會進前ê歡喜tsham鬥志。

Tse就是tsit本繪本出版ê動機，阮想beh講一个故事，一个查某gín-á早早tiō死ê故事，hit个時代到底發生過啥款ê代誌？阮ê團隊去訪問丁窈窕高中仝班ê同窗，àn tse知影伊高中ê時做過班長，mā捌勇敢kā日本老師提出家己ê意見。2015年8月風颱「蘇迪勒」（Soudelor）掃過台灣，金龜樹hōo狂風吹倒，引起各界拚勢搶救，校園內ê查某gín-á mā拍拚替樹á祈禱，主要是為tio̍h記持內ê丁窈窕ê故事。Tsit-má，金龜樹已經koh活過來ah，毋過，丁窈窕ê故事iah-koh有偌濟人會記得leh？

少年人向望透過tsit本繪本，kā tsit个記持講hōo koh-khah濟人聽，向望咱tsit个lú來lú文明koh現代化ê國家，會當koh-khah主動積極來hōo大眾清楚知捌tsit-kuá代誌。

阮kā咱逐家應該愛知影ê記持畫出來、寫落來，用丁窈窕熟似ê台語來講伊家己ê故事，向望tsit个出版會當吸引koh-khah濟人同齊來拍拚，hōo濟濟咱台灣ê故事會當繼續hông講出來。

作者序

林秀珍（台南女中ê國文科教師、指導台灣文化隊社團ê老師）

Tse是一个淒涼ê故事，想袂到竟然離阮hiah-nī-á近。Iah-koh會記得，2013年12月12，郭振純先輩來到台南女中，hit時tú-á好是學校運動會ê前一工，學生lóng leh無閒佈置會場，郭先輩tshuā阮一陣人來到運動埕邊á ê金龜樹跤，kā阮講丁窈窕學姊ê故事。郭先輩講：「丁窈窕tiānn-tiānn講，校園內ê生活是伊tsit世人上歡喜ê時陣。」郭先輩講，伊有kā窈窕學姊ê一tshok頭毛埋tiàm tsia，向望窈窕學姊會當永遠守護tsitkuá青春活潑ê查某gín-á。無毋tio̍h，運動埕邊á滿滿是運動會進前...

目錄

作者序
林秀珍 2
王亮文 3
蔡喻安 4
謝沂珍 5
鄭韶昀 6

故事開始
丁窈窕樹：樹á跤ê自由夢 9-50

背景
樹á跤ê自由夢 51

感謝
幫助ê人 57

目錄

作者序
林秀珍 2
王亮文 3
蔡喻安 4
謝沂珍 5
鄭韶昀 6

故事開始
丁窈窕樹：樹á跤ê自由夢 9-50

背景
樹á跤ê自由夢 51

感謝
幫助ê人 57