臺江臺語文學季刊第12期：只求枝葉代代湠─臺語文運動專輯（二）（103/11）

這是臺灣文學史上第一本由政府機關出版的臺語文學雜誌。
本雜誌臺語文學的文字書寫，有漢字、漢羅。編輯者攏是對臺語（文學）有相當研究，教學、寫作有深入的經驗，對來稿作適當的漢字修正，向望欲共臺語書寫引？標準化，使予臺語文容易閱讀、學習、寫作，達到通行化、普遍化的地步。
本雜誌希望包含臺語箍（khoo）仔內佮箍仔外的愛好臺語文學者來閱讀、欣賞。
本雜誌的臺語文學包含古典文學（以漢詩為主）、民間文學佮現代文學。有傳承，有創作佮發揚，予讀者折開冊食飽飽、有鹹汫（tsiann）苦甜，媠媠媠，吸收臺灣文化、文學的精華。
本集的專題是「臺語文運動專輯（二）」，學者、作家深入的分析，予咱認識本土的人文，先賢的典型。
本集的創作作品，大部份攏是專精文學佮對臺語有研究、臺語文學有濟年創作的老手，通（thang）予讀者吟誦品賞，體會「喙講父母話，手寫臺語文」的趣味佮臺灣人真正的心聲。