臺江臺語文學季刊第18期：真失禮美學觀（105/05）

這(tse)是臺灣文學史上第一本由政府機關出版的臺語文學雜誌。
本雜誌臺語文學的文字書寫，有全漢字、漢羅合用。編輯者攏是對臺語(文學)有相當研究，教學、寫作有深入的經驗，對來稿做適當的漢字修正，向望欲共臺語書寫引tshuā到標準化，予臺語文容易閱讀、學習、寫作，達到通行化、普遍化的地步。
這期的專題是「臺灣人寫真-人情書寫」。所選的作品攏是眾文友ka咱生活中所看、所知、所感的親情、愛情、友情或者是世間情，化做各種文類的文學創作kap逐家分享。臺灣人的人情表現真豐富，尤其kap中國人ti全世界旅遊新聞報導的形象拄好形成明顯的對比，用臺語書寫的文學作品閣較會當透露出臺灣人感情世界的特別。這期刊出的作品真濟是ka私密的親人感情記錄再現做文學創作，充分「文學化」的書寫策略，跳脫過去臺語文學「有語言，無文學」的刻板印象，是咱無形中的進步。