觀音鄉客語歌謠（二）－桃園縣民間文學集40

隔壁介阿太，盡惜啀三個細人兒，從細仔收涎、對歲，阿太兩公婆一定愛親身過來跈手，全無跌忒半息，細人仔大仔，好得嘴碼也已好，見擺就阿太來阿太去，喊到阿太兩公婆笑弛弛仔，心肝開~開~開，糖仔就毋知佬阿太拐忒有幾多，尤其係阿太禾埕曬介蘿蔔干，捻就捻忒有多不少。
阿大毋單止會唱山歌，從後生起勢，除忒做事，還會已多東西，編籬織蓆、山歌啦曲、戽水捉魚無一樣考仔倒佢，盡難得介係，佢無讀書毋識字，毋過佢當會畫圖，佢畫後生時節介花草、動物、生活等等。平常時有人喜歡就分人，啀同佢收集百零幅放入書中，分大家欣賞，是典型介素人畫家，阿大雖然無讀書，卻因畫圖畫字，故所會畫自家介名仔，還有畫幾只簡單介字，講來也係生趣介事。
阿太又開使始笑弛弛仔e_。