相招來看歌仔戲：《五路財神》之宜蘭國小慶百歲

序

　　各位親愛的鄉親啊～阿公招阿嬤、樓上招樓下、厝邊招隔壁，大家相招來看歌仔戲，慶賀宜蘭國小百歲囉！

　　宜蘭國小一百歲了，宜蘭國小遮的囝仔兄、囝仔姊，歡喜來躬逢其盛！幼兒園，在悟遠劇坊的簡育琳團長指導下，合作完成一齣歌仔戲的演出，小演員都是學齡前三到六歲的孩子。

　　平常時，阮將本土語言融入在教保活動中，將戲曲的跤步手路，實踐在地文化課程，將本土語言向下紮根。而且，宜蘭正是歌仔戲的發源地，經過閩南語教學洗禮，咱將學習成果的過程用講、唱、演歌仔戲的方式鬧熱呈現。

　　咱歡喜逗陣作伙來演出，除了家己歡喜以外，咱閣欲邀請閣卡濟人來欣賞歌仔戲，俗語說；「食果子、拜樹頭，飲水就愛思源。」在歲末感恩之際，咱邀請養護中心的序大人，阿公阿嬤相招來看歌仔戲，予咱遮的囝仔兄、囝仔姊產生文化認同的牽連，展現社區的關懷行動，佇冷冷的冬尾時天，予阿公阿嬤感受到阮暖暖的愛。

　　後續，遮的囝仔兄、囝仔姊，透過親身經歷參與歌仔戲的演出，用因的歡喜心、用因的雙眼、用因的雙手，運用合作將畫面創作記錄落來，留下百年校慶美好的記憶。老師希望，經過十年、二十年、五十年…文化傳承注入新生命，宜蘭國小遮的囝仔兄、囝仔姊回想這一段歷程，進而分享與回饋，說自己、說文化，說宜蘭在地的故事。