台灣花間集：台灣植物生態台語詩集

可能有人認為，春去秋，花開花落，本來無意，是人多情，是多情人將離情悲喜，化做花語，寄託詩句，傳達情意。我認為只要你用心去欣賞，用心去體會，予伊自然生長，每一欉樹仔，每一欉花草，攏是一首詩，攏會當看著真媠的世界。
　所以我寫出花樹的詩，花樹的意，希望過路的人行佇種詩的路--裡，會當用柔軟的心，慢慢仔欣賞，順順仔行，一路平安，一路歡喜；嘛希望百花的媠、百花的情，會當美化人的心，予這个世間減少鬥爭，減少猜疑，充滿和諧佮愛心。