苦年渾程

　　香港近年災劫頻仍、荒謬連年，如無端端可以被騎劫幾百億血汗錢去起港人未必用得著嘅鐵路，或搞個唔關事嘅乜乜物物基金咁；行行吓街又發覺全部店舖一模一樣，一律只賣貴嘢又或講明唔港人免問，仲會畀篋轆夾吓腳，隨街撞正有人出恭入敬；又或生活中危機四伏，飲水食物不安，天花隨塌，單位劏完又劏。點解會咁？所謂「一命二運三風水」，命衰囉！

　　運程分析，唔係一味成堆字，其實都可以好有趣。本書作者以「曲到玄」的形式，編繪出惡搞、過癮、寸嘴兼而有之的內容，讓港人可以看著笑一笑、舒舒氣，同時看清未來，知道點樣趨吉避凶，兼認清掃巴星，港人齊齊得而誅之！
 

作者簡介

LOMA

　　80後廢柴一條，一事無成，興趣是亂噏抽水。
　　唔想出名，只想出書，故隱姓埋名。

插畫簡介

阿柱ArChu

　　香港插畫師協會連繫會員。
　　作品見於書刊、服裝、廣告等。
　　現於Facebook連載漫畫《是但哥》。
　　曾出版：《是但哥是但得嚟堅認真》

　　facebook 專頁：是但哥 isbut