周星星度身訂做的喜劇：全球第一本模擬周星星演出之搞笑劇本

這個寂靜小街上，中午。
周星馳踏著輕快的腳步前行，穿著西裝的他邊走邊唱改了詞的《帝女花》
他清晰地哼唱著：「落街冇錢買麵包，借錢又怕老婆鬧……！」
突然橫街閃出蛇仔明及潺仔強兩人，各持大刀，一左一右將大刀架在星仔頸上。
星仔淡然地問兩人：「兄台，兩位係咪想問路呢？問路嘅話，唔使出動D殺傷力咁重嘅架生吖！」
蛇仔明凶猛地叫：「一見到咁就知道老笠啦！」
星星詐作聽唔清楚回問：「咩話？老咩話？」
潺仔強清晰地說：「仲使乜問咩？一見到咁嘅情勢，就知道係「老笠」啦，英文叫做Robbery，Robbery啊！」
星星淡淡一笑回道：「啊，家吓做劫匪都要咁高英文水準，真係搵食艱難。正確黎講即係『持械行劫』姐！」
蛇仔明神氣地說：「超，一句老笠都解釋到出牙血咁滯，嗱！依家你係被劫者，攞曬身上D錢出嚟，我地一條毛都唔會傷你。」
潺仔強附和地道：「係咯，攞曬D錢出嚟！」
星星非常冷靜，他望一望架在自己頸上的大刀，然後用好學的口吻說：「借問一聲，兩位手上果把，係咪德國出品嘅『孖人牌』大刀呢？」
蛇仔明不耐煩地道：「係，係『孖人牌』又點，唔係『孖人牌』又點？」
星星沉著地說：「想得個『知』字姐，免得D差佬同我落口供果陣，我句句都答『無可奉告』姐。」
「超，如果你唔信係『孖人牌』，我示範一次比你開下眼界。」蛇仔明氣憤地說，他邊說邊用大刀割自己左手中指一下。
蛇仔明的中指立刻標出紅血。
潺仔強招積地說：「細佬，睇清楚，絕對唔係流嘢嚟架！」
星星理所當然地說：「傻啦，一睇就知道堅嘢啦，果然係『白刀入，紅刀出』，之不過咁，唔怕老實講，老笠呢家嘢，有史以來有無得爭住先嘅呢？」
兩人異口同聲問：「爭住先？」
星星悲涼地說：「實不相瞞，在下成副身家，只得一張廿蚊。」
星星掏出一張廿元紙幣，將之懸在半空。
兩人異口同聲慨歎：「得廿蚊？」
星星黯然地點點頭。
上天打了一個很響的雷。
兩人立刻向他下跪。
星星錯愕地問：「兩位？響度向我下跪，即係乜嘢意思啊？」
蛇仔明不敢仰頭望道：「你得廿蚊咁少，即係好窮啦，開講有話『發窮惡』，當今世上最惡的武器就係『窮』呀！」
潺仔強仍低下頭道：「求先生放過我地，我地有眼不識泰山！」
星星誠懇扶起兩人說：「兩位有咩野事企翻起身先慢慢講吖，唔掂講到掂！」
兩人站起來，面色惶恐。
星星關懷說：「我窮，但我唔會傷害你地，兩位深呼吸一口氣，放鬆放鬆D！」
兩人閉上眼睛深呼吸一下，這樣才安定下來。
星星又關懷地道：「而家係咪舒服好多呢？」
兩人異口同聲回「係」。
蛇仔明率直地說：「你窮到只得廿蚊，一陣間唔夠錢食晏個啵！」
星星面有難色回道：「係呢個咁現實嘅社會，在情在理都唔夠。」
潺仔強從口袋取出一張一百蚊紙，往星星手裏塞，星星為之愕然。
「收咗佢，食餐好D嘅晏仔啦！」
「點好意思呀？」
「江湖救急姐！」
「若然係咁，好似變咗我老笠兩位咁啵！」
「傻啦！有來有往姐，你唔好介意！」
「傻啦，我點會介意！」星星說時伸手取了一百蚊紙：「兩位嘅大恩大德……」
兩人異口同聲說：「傻啦！當冇見過我兩個啦！」
兩人手持大刀絕塵而去。
星星搖頭自言自語地苦笑說：「哈，你話『窮』唔好咩？但係勢估唔到，人發起窮惡上嚟，威力比洲際導彈仲要強好幾倍。」
星星偶然看到前邊有一簡陋的廣告牌，上邊寫著：「Jimmy Bar」及一個箭頭指向巷內。
他的肚皮發出「咕咕」的飢餓之聲，然後吞一下口水道：「呢餐有著落！」

這個寂靜小街上，中午。
周星馳踏著輕快的腳步前行，穿著西裝的他邊走邊唱改了詞的《帝女花》
他清晰地哼唱著：「落街冇錢買麵包，借錢又怕老婆鬧……！」
突然橫街閃出蛇仔明及潺仔強兩人，各持大刀，一左一右將大刀架在星仔頸上。
星仔淡然地問兩人：「兄台，兩位係咪想問路呢？問路嘅話，唔使出動D殺傷力咁重嘅架生吖！」
蛇仔明凶猛地叫：「一見到咁就知道老笠啦！」
星星詐作聽唔清楚回問：「咩話？老咩話？」
潺仔強清晰地說：「仲使乜問咩？一見到咁嘅情勢，就知道係「老笠」啦，英文叫做Robbery，Robbery啊！」
星星淡淡一笑回道：「啊...

序（罪）

我創作呢本書，用咗三個月，速度算係唔快唔慢，中中亭亭啦。
有D人認為我寫呢本書，可能會唔尊重周星星。咁樣講就錯喇，仲大錯特錯添，點解？其實我係因為尊重周星星，所以先至寫咗呢本書。
喺你我嘅心目中，星爺係港產片近百年嚟嘅一代笑匠。佢無厘頭嘅演出，已提升至「大殿堂」嘅級數，但又好接地氣。佢嘅電影對白好好笑，嗒落又有豐厚嘅人生哲理。Hea住嘅演技，並非係真hea，而係扮hea，hea中有笑有淚。
至此，請為星爺熱烈鼓掌。
星爺的誕生及貢獻，係港產片及全球電影嘅光榮、驕傲、寳藏及經典。
愛迪生喺參與發明電影之後，當時美國總統問佢：「點樣嘅電影先至係最好嘅電影？點樣嘅電影先至夠資格列入電影業嘅史冊？」
愛迪生回道：「說來不容易，但好像又好容易。佢嘅關鍵在於，電影播放一百廿分鐘之後，佢嘅每一段劇情，佢裏面嘅每一句對白，連文盲或者六歲嘅細路仔都完全明白及參透！」
那位美國總統追問：「此話何解？」
愛迪生說：「不要扮高深或藝術感，電影只要讓人流淚或狂笑，才是電影的使命！」
至此，請為愛迪生鼓掌。
發明大師嘅理念，星爺都一一做到了。
冇演戲十幾年幾嘅星爺，其實年年月月分分秒秒都想復出，因為演戲係佢「生命嘅一大部分」，但佢去越焦急就越迷失，苦苦地搵唔到下一個新突破點。所以星爺嘅鐵粉就餓咗十幾年，悲情甚。
呢本書算係「星爺美沙酮」，比鐵粉們頂住癮先。
如果達唔到呢個效果，也希望算係激發星爺鬥志嘅點點火花。

水本純 2025年

序（罪）

我創作呢本書，用咗三個月，速度算係唔快唔慢，中中亭亭啦。
有D人認為我寫呢本書，可能會唔尊重周星星。咁樣講就錯喇，仲大錯特錯添，點解？其實我係因為尊重周星星，所以先至寫咗呢本書。
喺你我嘅心目中，星爺係港產片近百年嚟嘅一代笑匠。佢無厘頭嘅演出，已提升至「大殿堂」嘅級數，但又好接地氣。佢嘅電影對白好好笑，嗒落又有豐厚嘅人生哲理。Hea住嘅演技，並非係真hea，而係扮hea，hea中有笑有淚。
至此，請為星爺熱烈鼓掌。
星爺的誕生及貢獻，係港產片及全球電影嘅光榮、驕傲、寳藏及經典。
愛迪生喺參與發明電影之後，當時美國總統...

第一章　包搞掂
第二章　（鬼）可憐天下父母心
第三章　戰爭與和平
第四章　情為何物
第五章　社團風暴
第六章　有球必應
第七章　恭喜恭喜

第一章　包搞掂
第二章　（鬼）可憐天下父母心
第三章　戰爭與和平
第四章　情為何物
第五章　社團風暴
第六章　有球必應
第七章　恭喜恭喜