短影音來鼻芳：
臺灣話食四方，逐項料理攏是一个家鄉
用臺文紀錄，配臺語調味
咱那煮那講，鬥陣走揣你上愛彼味出身南投，全家好手藝的媒體人「阿旻」曾偉旻，因為出國讀冊數念家鄉味，開始學煮食、捌料理。伊對南投在地的好滋味開始，以臺灣台語佮其他本土語言交流，學習其他族群料理、食食的文化佮觀念，用臺語文配俗諺語，介紹創意好料佮煮食撇步，寫出這本全臺灣、全宇宙頭一本的全臺文食譜！
創新臺菜、客家料理、原住民風味、馬祖海味……食材的性質、料理的內涵，攏有無仝族群的經驗佮智慧，透由20項手路菜，予你輕鬆做、簡單講，食過就了解。
配合阿旻親身示範短影音，QR Code隨掃隨看，逐項照步來，免驚會失敗。鬥陣顧腹肚，嘛通顧咱語言文化的佛祖。
◎內容榮獲文化部「語言友善環境及創作應用補助」
作者簡介：
阿旻，曾偉旻。
佇臺灣唯一無倚海的南投市大漢。
自細漢就「出一支喙」，參加臺語演講、朗讀比賽，用喙和人拚輸贏，嘛自彼時開始，下定志願欲做記者、做主播，繼續用喙做家己的興趣佮志業。
幾冬後決心無欲做華語記者，報考師大臺文系博士班，榜首入學，蹽落去做臺語復振，加入臺語傳播研究和臺語主持這途。
這陣仝款「出一支喙」，用「煮食的喙」和逐家再相會。臺語的路猶真長，邀請逐家做伙蹽落去。
阿旻的面冊迷眾頁：https://www.facebook.com/page.benchor
各界推薦
名人推薦：
【專文紲喙推薦】
這本冊除了予你看台語食譜學煮菜，閣有予人看甲欲流喙瀾的媠圖，逐篇溫暖的故事佮智識，短短仔誠輕鬆，拄好提來那啖糝那開講，用佇教學真正讚。──王秀容（本土語言傑出貢獻獎得主）
偉旻本人就袂輸這本書仝款，有豐富ê 內涵， 閣多才多藝，毋但有新聞傳播kah主持ê專業，煮食嘛是有正式證照掛保證。而且偉旻ê 心思真幼路，思考嘛真深入。伊會想著做這本台文書寫ê 食譜，咱就看會出來。──許慧如（國立臺灣師範大學臺灣語文學系教授）
偉旻是一位新時代的媒體人、文化人，今閣成做作家，多才多藝。伊嘛是一位多語人，這本食譜冊上有見解的，是用台文來寫客家、原住民、馬祖的煮食， 正正是語平精神，嘛是咱臺灣真實的食食風景。──鄭順聰（作家）
名人推薦：【專文紲喙推薦】
這本冊除了予你看台語食譜學煮菜，閣有予人看甲欲流喙瀾的媠圖，逐篇溫暖的故事佮智識，短短仔誠輕鬆，拄好提來那啖糝那開講，用佇教學真正讚。──王秀容（本土語言傑出貢獻獎得主）
偉旻本人就袂輸這本書仝款，有豐富ê 內涵， 閣多才多藝，毋但有新聞傳播kah主持ê專業，煮食嘛是有正式證照掛保證。而且偉旻ê 心思真幼路，思考嘛真深入。伊會想著做這本台文書寫ê 食譜，咱就看會出來。──許慧如（國立臺灣師範大學臺灣語文學系教授）
偉旻是一位新時代的媒體人、文化人，今閣成做作家，多才多藝。伊...
章節試閱
鴛鴦菜脯卵
Uan-iunn Tshài-póo-nn̄g
【臺菜料理教諺語】
翁仔某無相棄嫌，菜脯根罔咬鹹。
Ang-á-bóo bô sio khì-hiâm, tshài-póo-kin bóng kā kiâm.
【老祖先的智慧】
這句俗諺語是咧講，翁仔某之間就愛互相扶持，就算無好過，三頓干焦菜脯通好食，兩人猶是仝心做伙過生活。
確實，若嫁娶進前、咧揀選對象的時陣，嘛有一句俗語「䆀䆀翁食袂空」，講女性會考慮外型、或者是好額散赤，條件攏無仝。有人想欲嫁緣投的，或者是看經濟條件。不而過，有一寡人雖然外表普通，經濟也無算好額，但是收入穩定，三頓也免操煩，女性若準欲嫁，這款對象通列入去考慮。
資深台語藝人「小劉」劉福助過去嘛用這句俗語改寫「歹歹翁，食袂空」來譜曲寫詞，鄧麗君嘛唱過這條歌。歌詞寫「嫁著總舖翁，身軀油油看著袂輕鬆。嫁著賣菜翁，三頓毋是菜，閣就是蔥」，講嫁著歹翁，莫怨嘆，好歹仝款嘛是一世人。總是彼句「無相棄嫌」，生活會得過，仝心做伙生活「菜脯根罔咬鹹」啦。
鴛鴦菜脯卵
Uan-iunn Tshài-póo-nn̄g
【臺菜料理教諺語】
翁仔某無相棄嫌，菜脯根罔咬鹹。
Ang-á-bóo bô sio khì-hiâm, tshài-póo-kin bóng kā kiâm.
【老祖先的智慧】
這句俗諺語是咧講，翁仔某之間就愛互相扶持，就算無好過，三頓干焦菜脯通好食，兩人猶是仝心做伙過生活。
確實，若嫁娶進前、咧揀選對象的時陣，嘛有一句俗語「䆀䆀翁食袂空」，講女性會考慮外型、或者是好額散赤，條件攏無仝。有人想欲嫁緣投的，或者是看經濟條件。不而過，有一寡人雖然外表普通，經濟也無算好額，但是收入穩定，三頓也免操煩，女性若準欲...
作者序
友善本土語言煮食來實踐
曾偉旻 Tsan Uí-bîn
宇宙頭一本台語文的食譜冊《就愛這味：阿旻教你煮》，是阿旻家己愛食、愛煮、愛臺灣本土語言的一本實踐佮應用煮食冊。自料理落手，這本煮食冊毋但落實台語文的寫作，嘛深入咱「民以食為天」生活哲學。
若準這本冊通共阿旻家己愛煮、愛變的個性展現，閣通結合本土語言，進一步透過短影音，分享煮食的撇步佮創意好料，這本冊定著愛即時推出，而且愛有無仝的臺灣創意料理冊，一本接一本。
透過臺灣台語做主體，和無仝族群交流，分享各種本土語言的詞彙，嘛紹介臺灣無仝族群、語言、俗諺語之間，對煮食有無仝又閣相倚的食食觀念，向望逐家進一步熟似、認捌、尊存咱臺灣所有的語言。
有傳統佮創新的臺菜、原住民族料理的精神、客家勤儉的食食文化，閣有馬祖討海掠魚、食魚的智慧。20項料理，其中閣有一項是結合臺灣手語的灶跤教室，除了紹介臺灣手語予閣較濟人知影，嘛用手語傳達「食食嘛著愛顧動物保育」的觀念。
感謝文化部「語言友善環境及創作應用與推廣補助」的支持，予有心想欲起造本土語言友善環境的創作者，毋但通「顧腹肚」，嘛通顧咱復振本土語言的「佛祖」。
友善本土語言煮食來實踐
曾偉旻 Tsan Uí-bîn
宇宙頭一本台語文的食譜冊《就愛這味：阿旻教你煮》，是阿旻家己愛食、愛煮、愛臺灣本土語言的一本實踐佮應用煮食冊。自料理落手，這本煮食冊毋但落實台語文的寫作，嘛深入咱「民以食為天」生活哲學。
若準這本冊通共阿旻家己愛煮、愛變的個性展現，閣通結合本土語言，進一步透過短影音，分享煮食的撇步佮創意好料，這本冊定著愛即時推出，而且愛有無仝的臺灣創意料理冊，一本接一本。
透過臺灣台語做主體，和無仝族群交流，分享各種本土語言的詞彙，嘛紹介臺灣無仝族群、語言、俗諺...
目錄
推薦序那看那出聲／王秀容 Ông Siú-iông
推薦序輕鬆仔讀、穩心仔煮、歡喜仔食／許慧如 Khóo Huī-lû
推薦序正範台灣語文味／鄭順聰 Tēnn Sūn-tshong
自序友善本土語言煮食來實踐／曾偉旻 Tsan Uí-bîn
踏話頭數念南投的家鄉味
就愛出料理：20項手路菜報你知
01｜鴛鴦菜脯卵Uan-iunn Tshài-póo-nn̄g
02｜薟甲衝煙薟椒魚Hiam kah tshìng-ian Hiam-tsio-hî
03｜牽絲番薯角Khan-si han-tsî kak
04｜枵鬼豬肝湯Iau-kuí Ti-kuann-thng
05｜覆菜肉片湯Phak-tshài Bah-phìnn-thng
06｜歪喙雞親子丼Uai-tshuì-ke Tshin-tsú-tòng
07｜烏金滷肉飯Oo-kim Lóo-bah-pn̄g
08｜趁家伙柿粿Thàn ke-hué Khī-kué
09｜蔥煏肉絲Tshang piak bah-si
10｜沙茶蕹菜牛肉Sua-te ìng-tshài gû-bah
11｜蒜芳豬頭皮Suàn phang Ti-thâu-phuê
12｜芋香炒飯Vu hiongˊ cauˋ fan
13｜腸腸韭韭Congˇ congˇ giuˋ giuˋ
14｜薑羊大賊牯（薑羊大盜）Giongˊ iongˇ tai ced guˋ
15｜黃梨香菇雞Vongˇ liˇ Hiongˊ guˊ gieˊ
16｜焦香蒜仁酥Zeuˊ hiongˊ son inˇ suˊ
17｜紅糟白力魚Âng-tsau Pe̍h-li̍k-hî
18｜刺蔥煎卵Tshì-tshang Tsian-nn̄g
19｜馬告炊魚Maqaw Tshue-hî
20｜花膠仿魚翅筒仔Hue-ka hóng hî-tshì-tâng-á
推薦序那看那出聲／王秀容 Ông Siú-iông
推薦序輕鬆仔讀、穩心仔煮、歡喜仔食／許慧如 Khóo Huī-lû
推薦序正範台灣語文味／鄭順聰 Tēnn Sūn-tshong
自序友善本土語言煮食來實踐／曾偉旻 Tsan Uí-bîn
踏話頭數念南投的家鄉味
就愛出料理：20項手路菜報你知
01｜鴛鴦菜脯卵Uan-iunn Tshài-póo-nn̄g
02｜薟甲衝煙薟椒魚Hiam kah tshìng-ian Hiam-tsio-hî
03｜牽絲番薯角Khan-si han-tsî kak
04｜枵鬼豬肝湯Iau-kuí Ti-kuann-thng
05｜覆菜肉片湯Phak-tshài Bah-phìnn-thng
06｜歪喙雞親子丼Uai-tshuì-ke Tshin-tsú-tòng
07｜...
共 
