全粵語水滸傳 (音頻精選版)

第一回——太尉上山放妖魔
第二回——教頭離京巧收徒
第三回——三拳打死鎮關西
第四回——林沖誤闖白虎堂
第五回——驚魂風雪山神廟
第六回——楊志東京賣寶刀
第七回——七星聚義起風雲
第八回——吳用智取生辰綱
第九回——火併王倫聚義堂
第十回——宋江怒殺閻婆惜
第十一回——景陽岡上打老虎
第十二回——姦夫淫婦害武大
第十三回——武松怒殺西門慶
第十四回——義憤血濺鴛鴦樓
第十五回——花榮大鬧清風寨
第十六回——小李廣大戰秦明
第十七回——施巧計秦明聚義
第十八回——小李廣神箭射雁
第十九回——宋江初會黑旋風
第二十回——潯陽樓上題反詩
第二十一回——劫法場大鬧江洲
第二十二回——黑旋風遇假李逵
第二十三回——李逵一人殺四虎
第二十四回——時遷為食惹是非
第二十五回——宋江苦戰祝家莊
第二十六回——病尉遲反出登州
第二十七回——雷橫失手累朱仝
第二十八回——兵圍高唐救柴進
第二十九回——連環馬大顯神威
第三十回——金槍大破連環馬
第三十一回——計破青州服呼延
第三十二回——晁蓋命喪曾頭市
第三十三回——吳用計賺玉麒麟
第三十四回——盧俊義蒙冤受難
第三十五回——呼延詐降擒關勝
第三十六回——計破北京大名府
第三十七回——神火聖水上山來
第三十八回——雪恨大破曾頭市
第三十九回——一零八將大聚義
第四十回——受招安落寞收場

序

　　唔經唔覺，全粵語古典名著系列已經出到第三部—《全粵語水滸傳》。回憶起創作第一部《全粵語三國演義》時候嘅戰戰 兢兢，到今時今日寫呢一部《水滸傳》，我對於寫作總算係嫻熟咗唔少。

　　《水滸傳》呢部作品，喺中國歷史上唔同嘅時期，有唔同嘅 評價同待遇。一方面佢曾經被命名為《蕩寇誌》，以避免畀人話 有煽動造反嘅嫌疑；另一方面，民間又有「少不讀水滸」嘅講法， 坐實咗呢本書「教壞細路」嘅名聲。

　　亦都有一個時期，大家將《水滸傳》認定為讚頌革命鬥爭、宣揚農民起義嘅作品，令《水滸傳》受到好高嘅評價。 但無論咩時候都好，《水滸傳》裏面嗰啲英雄人物嘅故事，例如武松打虎、吳用智取生辰綱、魯提轄拳打鎮關西、林沖風雪山神廟等等，始終膾炙人口，得到大家嘅喜愛。

　　所以喺改編呢部作品嘅時候，我能夠做嘅唔係評價作品，而係儘可能將原著嘅故事同精神，都保留喺作品當中，令讀者自己 去閱讀、感受同判斷。

　　我一直認為，一部好嘅小說最重要嘅就係可以精彩噉描述故事中嘅社會，同埋可以將複雜嘅人性刻畫得入木三分，無論美好定係醜惡。

　　《水滸傳》之所以被評為古典名著，除咗精彩嘅故事同人物之外，我覺得仲有一個好重要嘅原因，就係呢部作品非常真實噉 講述咗北宋晚期嘅社會形態，有各種市井風情，亦有最普通老百姓生活中嘅各種悲同喜。《水滸傳》裏面嘅一百零八將，有好多都係富戶同基層官吏出身，佢哋之所以被逼上梁山反抗腐朽嘅朝廷，替天行道，好大程度上就係因為當時各種嚴重嘅社會問題，令良民無法安身，令官吏不能立命。

　　當然，小說亦都如實描寫咗呢啲綠林好漢兇悍殘暴、濫殺 無辜嘅一面，並冇單方面為佢哋講好說話。噉樣有血有肉、既有 善亦有惡、形象豐滿嘅人物描寫，先令到故事可以引起讀者共鳴，令讀者更容易沉浸喺故事中，亦引起讀者對人性嘅思考。

　　正因為大家唔同時期對於《水滸傳》有唔同評價，所以《水滸傳》嘅版本亦都有好多個。但我細個嘅時候聽故仔，絕大部分 版本就只係講到一零八將大聚義。事實上呢部分亦都係《水滸傳》最精彩，最為大眾所熟知嘅內容。

　　不過為咗保證作品嘅完整性，我仲係用咗一定嘅篇幅，將後 面梁山泊眾人受招安，征遼、征田虎、征王慶同方腊，直到宋江畀毒死嘅故事講完，亦都令讀者能夠了解《水滸傳》嘅全貌。

　　至於講到「全粵語」呢件事，自從《全粵語三國演義》問世之後，已經成為呢一套書最大嘅特點同賣點之一。好多朋友都對於粵語文字書寫嘅小說好感興趣。事實上，近兩年唔單止大灣區， 連全國上下都對粵語越來越感興趣，粵語嘅影響力有一定程度嘅提升，好多家長同學校亦都更注重教小朋友講粵語了，實在係值得高興嘅事。

　　我希望未來有更多用粵語文字書寫嘅書籍可以出版，令更多人可以領略粵語嘅魅力，亦都令粵語有更多傳播嘅工具。

　　仲有一件事值得一提，就係為本書繪畫插畫嘅青年畫家李 卓言，繪畫水準喺幾年間都隨住呢套書嘅出版不斷成熟。今次佢為《全粵語水滸傳》繪畫嘅插畫更顯功力，亦更具中國傳統文化嘅味道，為本書增色不少。

　　最後要多謝每一位熱愛傳統文化，支持粵語文化嘅讀者，係 你哋嘅支持令呢套書可以繼續出版，陸續有來。